[1] Munasiñaruw jach'añchañ munta, aski kankañaruw aytañ munta, Tatay, jumatakiw q'uchuñ munta;
[2] chiqap jakañpun munta. ¿Kunapacharak nayar tumpitätasti? Utaxanxa, sarnaqäwixax jan kamskayäniwa;
[3] ñanqha amtäwinakarux janipuniw uñtkäti. Diosat saraqtirinakarux uñisipuntwa; ¡janipuniw jupanakampix jak'achayaskäti!
[4] Ñanqha lurañ lup'iñanak apanukü: ¡janipuniw ñanqha lurañ munkti!
[5] Jamasat jaqi masipxat parlirirux amukt'ayäwa; uñch'ukisir jaqimpiru, jach'a jach'a tukurimpirux janipuniw jak'axankañap munkti.
[6] Aski jaqinakaruw nayax uñtä, nayampi chik jakapxañapataki; chiqap sarnaqir jaqikiw luqtitani.
[7] Sallqantañampi sarnaqir jaqix janiw utaxan jakkaniti; ¡k'ari jaqinakax janiw nayraqataxankkaniti!
[8] Ñanqha lurir jaqinakarux urut ururuw chhaqtayä, jan wali jaqinakarux Tatitun markapat jaqunukü.