[1] Babilonia jawir lakanakan qunt'ataw Sión markat amtasisax jachapxäyätan.
[2] Ukawjan alir sauce quqanakaruw arpanakas warkt'asipxäyätan.
[3] Jiwasanakar katuntat anakirinakasti, ukawjan q'uchuñas munapxäna, jiwasanakat taqi kun aparirinakax, kusisiñampi q'uchupxañas munapxäna; ¡Sión markankir q'uchunakap q'uchuñasa!
[4] ¡Yaqha markanakanxa, janipuniw Tatitun q'uchunakap q'uchupkiristti!
[5] Jerusalén marka, jumat armasirisma ukaxa, kupi amparaxax q'al pharantitpan.
[6] Jerusalén marka, janitix jumat amtaskä, janitix juk'ampi jumat kusiskä ukapachaxa, laxraxax lakaxar lip'katpan.
[7] Tatay, Edom uraqinkir jaqinakan arsutap amtam, Jerusalén markax aynacht'kän ukürux sapxänwa: “T'unjapxam, taqpach tukjapxam” sasa.
[8] ¡Jumasti Babilonia marka, t'unjataw uñjasïta! ¡Nanakar jan walinak luratamat t'aqhisiykätam ukax kusisitäniwa!
[9] ¡Wawanakamar katuntasin qarqanakar jisktasin jiwaraykani ukax kusisitäniwa!