<Salmos 120

[1] Llakisiñaxan Tatitur art'asta, jupasti ist'ituwa.

[2] Tatay, k'ari parlirinakat jark'aqita, k'arimp aynacht'ayir laxrat qhispiyita.

[3] K'ari jaqinaka, ¿kunarak katuqätasti?

[4] ¡Nuwasirin ari mich'inakapa! ¡Nakhaskir retama nina sank'anaka!

[5] ¡Nayax kunakïktxa, Mésec chiqan jaya jaqjam apanukutätwa, Quedar chiqan chhujllan jakarakta!

[6] Sumankañar uñisirinak taypin sinti jayapuniw jakta;

[7] ¡nayax sumankañat parlkta ukapachaxa, jupanakax ch'axwañat parlapxi!