<Salmos 124

[1] Tatitutix jan yanapkistasapän ukaxa, ¿kunäsapänsa jiwasanakatxa? ¡Taqiniw Israel markan yattanxa!

[2] Tatitutix jan yanapkistasapän ukaxa, kunapachatix chhukxatapkistän ukkhaxa,

[3] jakkirpach manq'antistasapäna, q'apisiñapan jiwasanakatak ninjam nakhatap layku.

[4] Ukapachax jawirat jilarir umjamaw q'al chhaqtayxistasapäna, ¡jawir umjamaw jiwasanak pat llumikipasapäna!

[5] ¡Jupuqun q'añu umjamaw kawkikam puriyistasapäna!

[6] ¡Tatitux jach'añchatäpan, janiw jupax apanukkistuti, janirakiw laka ch'akhanakapampis t'uruntaykistuti!

[7] Jamach'ir uñtataw jiwayirin sipitapat jakañ qhispiyasipxtan; sipitapax t'aqasiwayxiwa, jiwasanakasti jaltxapxtanwa.

[8] Yanapt'ax Tatitut juti, khititix alaxpacha akapach lurki uka Tatituta.