[1] Tatituw nayan imantasiñaxaxa. Inamayaw sasipkitu: “Jamach'ir uñtat qullur jaltxam.
[2] Ñanqha lurir jaqinakar uñtam: mich'i antutt'añatakiw wakichrantapxi, mich'i antutt'añsa sum jiyintapxi, jamasawjat aski jaqinakar wakt'ayañatak mich'ip antutt'apxi.
[3] Kunapachatix qalltapax t'unasispa ukkhax ¿kamachaspas aski jaqixa?” sasa.
[4] Ukampis Tatitux qullan utapankiwa. Tatitun qunuñapax alaxpachankiwa, nayranakapas arikipuniw taqi jaqinakar uñch'ukiski.
[5] Tatitux juchanirus jan juchanirus taqiniruw uñch'ukiski, ñanqha lurañ munirinakarusti walpun uñisi.
[6] Tatitux ñanqha lurir jaqinakxarux nina sank'ampi, azufrempi jalluyanini, mä junt'u thayaw jupanakarux q'al tukjani. ¡Tatitux lurataparjamaw mutuyani!
[7] Tatitux chiqapar uñjiriwa, kunatix chiqäki ukarux munasiwa; ¡ukat aski jaqinakax ajanup uñkatapxani!