<Salmos 122

[1] ¡“Tatitun utapar sarañäni” sirinakampix walpun kusista!

[2] Jerusalén marka, ¡niyaw punkunakamar purinipxta!

[3] Jerusalén markax suma sayt'ayatawa, wawanakapan tantachasiñapataki.

[4] Ukaruw Tatitun ayllunakapax sutipar yupaychir makhatapxi, Israel markar satäkän ukarjama.

[5] Ukankiw chiqapar uñjañ utanakaxa, ukankiw David reyin taripäwi utanakapaxa.

[6] Jumanakax taqpach chuymamp sapxam: “¡Jerusalén, sumankañax juman utjpan; jumar munirinakax jan khitin kamsat jakasipxpan.

[7] Pirqanakam manqhan sumankañax utjpan, reyiman utanakapas jan kuna kamachkayäpan!” sasa.

[8] Jichhasti, jilanakax layku, mayni masinakax laykuw arsü: “Sumankañax jumampïpan.

[9] Tatitu Diosasan utap laykuw juman askimatak thaqhä” sasa.