[1] Arxatir Diosaxay, ¡mayisitaxar ist'akitaya! Jumaw llakisiñaxan chuymax qhanartayista, ¡nayat khuyapt'ayasita, mayisitaxarus ist'arakita!
[2] Jach'a jach'a tukur jaqinaka, ¿kunapachkamas jisk'achapxitäta?, ¿kunapachkamas jan walïki ukak munasipkäta?, ¿kunapachkamas sallqjañak munasipkäta?
[3] Yatipxam: Tatitux jupar iyawsirirux munasiwa; jupar art'askta ukkhasti Tatitux ist'ituwa.
[4] ¡Axsarthapipxam, jan juk'amp juch lurapxamti! Ikintxapxät ukkhasti, kuntix lurapkta ukanakat sum amuythapisipxam;
[5] chiqpach luqtäwinak Tatitur katuyapxam, taqi chuymampirak iyawsapxam.
[6] Waljaniw sapxi: “¿Khitirak kusisiñ churistanisti?” sasa. ¡Tatay, khuyapayasiñampiy uñtanipxita!
[7] Jumaw chuymaxarux juk'amp kusisiñ uchtaxa jilarkir trigoninakat sipansa, vinoninakat sipansa.
[8] Nayax jan kuna llakiniw ikintta, mäkirakiw ikt'awayxta, Tatay, jumakiw iyawsañ chuyman jakayista.