<Salmos 1

[1] Ñanqha lurir jaqinakan amtayataparjam jan sarnaqirix kusisiñan jaqiwa, jupax janiw jucharar jaqinakan thakhipan sarnaqkiti, janirakiw Diosampi sawkasirinakampis chikachaskiti,

[2] jan ukasti, jupan kusisiñapax Tatitun arupawa, uka arupatsti arumay uruw lup'i.

[3] Jupax, jawir thiyan ayruntat quqar uñtatawa: wakisitarjamaw achunak churi, laphinakapax janiw wañskiti. ¡Taqi luräwinakapasti walt'askakipuniwa!

[4] Jan wali jaqinakampisti janiw ukhamäkiti: jupanakax thayan apat jipir uñtatäpxiwa.

[5] Ñanqha lurir jaqinakax janiw taripäwit jaltapkaniti; jucharar jaqinakas janirakiw aski jaqinak taypinkapkaniti.

[6] Tatituw aski jaqinakan sarnaqäwip imaski, ñanqha lurir jaqinakan thakhipasti aynacht'añaruw puriyi.