<Salmos 3

[1] Tatay, waljaniw nayar uñisirinakaxa, waljaniw nayatakix sayt'apxi,

[2] waljaniw nayat sapxi: “Diosax janiw jupar qhispiykaniti” sasa.

[3] Ukampis Tatay, jumaw nayan arxatirixätaxa, jumaw jach'ar aptirixätaxa, jumarakiw ch'amañchirixätasa.

[4] Jach'at art'asisaw Tatitut mayista, jupasti qullan qullupatpach ist'itu.

[5] Ikintkäsa, ikkäsa, uñatatkä ukapachasa: Tatituw nayarux yanapaskitu.

[6] Nayar katuntañatak muyuntir uñisirinakax janiw axsaraykituti.

[7] ¡Tatay, sartasikimaya! ¡Dios Tatituxay, qhispiyasikitaya! Jumaw uñisirinakaxan ajanupat t'axllinuqäta; ¡ñanqha luririnakan laka ch'akhanakap t'unsurakïta!

[8] Tatay, jumaw qhispiyirïtaxa; ¡askinakampiy markamar phuqhantam!