[1] Diosaxay, imasikitaya; taqi chuymampiw jumar alkatsma.
[2] Nayax jumaruw sisma: “Jumaw nayan Tatituxätaxa, askixätasa, janiw khitis jumjamax utjkiti” sasa.
[3] Akapach aytat jaqinakan kusisiñ jikxatirinakax sapxiwa: aka uraqinkir diosanakax ch'amaniwa, sasa.
[4] Kunayman diosanak jupanakax uñstayapxi, ukanakarusti alt'at chuymampiw luqtapxi. Ukampis nayax janipuniw wilañcha luqtäwinakapampi chikachaskäti, janirakiw sutinakapsa aytaskäti.
[5] Tatay, jumaw nayan taqi kunaxätaxa; jumaw askinakamampi phuqhantista; jakañaxax amparamar katuyatawa.
[6] Mä suma chiqawjaw nayarux wakt'itu, katuqäwixax walpun kusisiyitu.
[7] Nayar irpatapat Tatituruw jach'añchä, arumanakasa chuymax manqhan chiqachitu.
[8] Nayax Tatitumpi chikapuniw sarnaqaskta; jupaw kupi tuqixanki, janiw kunas tinkuykitaniti.
[9] Ukat chuymaxax walpun kusisi, ajayuxasa k'uchisi, janchixasa samararaki.
[10] Janiw jumax jiwar katxaruykitätati, ¡janirakiw arkiriman janchipa ñusantañapsa munkätati!
[11] Jumaw jakañ thakhi uñacht'ayitäta. Nayraqataman jach'a kusisiñaw utji; jak'amansti wiñay kusisiñaw utjaraki.