[1] Taqpach uraqix Tatitunkiwa, ukan utjirinakas jupankiwa, ukan jakirinakas jupankiwa.
[2] Tatituw aka uraqirux lamar qutxar utt'ayi, jupaw jawiranakxar utt'ayaraki.
[3] ¿Khitirak Tatitun qullupar makhataspasti? ¿Khitirak qullan utapankaspasti?
[4] Jan juch lurir jaqiw ukankaspa, q'uma chuyman jaqiw ukankaspa, yaqha diosanakar jan yupaychir jaqiw ukankaspa, k'ari juramento jan lurir jaqiw ukankarakispa.
[5] Tatitu Diosapa, Qhispiyiripa, jupakiw taqi kun churani, chiqaparuw uñjarakini.
[6] Ukhamäñapaw Tatitur thaqhirinakaxa, Jacobun Diosapar thaqhirinakaxa.
[7] ¡Wiñay punkunaka, jist'artapxam! ¡Jist'arat qhiparapxam, qhapaq markankir Reyiw mantani!
[8] ¿Khitirak qhapaq markankir Reyisti? ¡Taqi ch'aman atipir Tatituwa! ¡Nuwasïwin jan axsarir Tatituwa!
[9] ¡Wiñay punkunaka, jist'artapxam! ¡Jist'arat qhiparapxam, qhapaq markankir Reyiw mantani!
[10] ¿Khitirak qhapaq markankir Reyisti? ¡Taqi atipir Tatituwa! ¡Qhapaq markankir Reyiwa!