[1] Diosax qullan tantachasïwin sayt'asïna, jilïr taripirinakaruw taripäna:
[2] “¿Kunapachkamarak jan wal taripapxätasti? ¿Kunapachkamarak ñanqha lurir jaqinakar arxatapxätasti?
[3] ¡Jan yäqat jaqiru, wajchar yanapt'apxam! ¡Jan kunan jaqiru, pist'ayasir jaqir chiqapar uñjapxam!
[4] ¡Jan yäqat jaqiru, jan kunan jaqinakar qhispiyapxam, ñanqha lurir jaqinakat arxatapxam!
[5] “Jumanakasti janiw yatipktati, janirakiw amuyt'apktasa, ch'amakan sarnaqapxtaxa. Ukat aka uraqin utt'äwipas khathatixa.
[6] Nayax sapxsmawa: Jumanakax diosanakäpxtawa; taqpachanix Alaxpachankirin wawanakapäpxtawa;
[7] ukampis taqi jaqjamaw kipkak jiwapxäta, munañan kankañampi apnaqir jilïrinakjamaw aynacht'apxäta” sasa.
[8] ¡Diosay, aka uraqi apnaqañatakix sartasikimaya, jumankiw taqpach markanakaxa!