[1] Tatitun wawanakapa, Tatitur yupaychapxam, qhapaq kankañaparusa, ch'amaparus jach'añchapxam,
[2] Tatitun qhapaq sutip jach'ar aptapxam, qullan utapan Tatitur yupaychapxam.
[3] Tatitun arupax lamar qutan ist'asi, qhapaq kankañan Diosax arup qhuxuqiyi; ¡Tatitux jach'a lamar qutxan ist'asiyi!
[4] Tatitun arupax wali ch'amaniw ist'asi; Tatitun arupax axsarkayaw ist'asi.
[5] Tatitun arupax cedro quqanak qhaqhari, ¡Líbano uraqinkir cedro quqanak tinkurayi!
[6] Líbano qullunakarux urqu vacanakarjamaw t'isktayi, Sirión qullunakarusti vaca qallurjamaw thuqtayi.
[7] Tatitun arupax taqi tuqiruw nina lawrayi;
[8] Tatitun arupax ch'usa wasararuw khathatiyi; ¡Tatituw Cadés wasararux khathatiyi!
[9] Tatitun arupax roble sat quqanak khiwiliyi, ch'uminaksti jan quqan tukusiyaraki. Qullan utapan taqiniw jupar jach'añchapxi.
[10] Tatituw jallurux apnaqi; ¡jupaw wiñay reyjamax qunt'asi!
[11] Tatituw markaparux ch'am churi; jupaw markaparux sumankañ churi.