<Salmos 113

[1] ¡Tatitux jach'añchatäpan! Tatitur luqtirinaka, sutip jach'añchapxam.

[2] ¡Tatitun sutipax jach'ar aptatäpan, jichhasa, wiñayan wiñayapataki!

[3] ¡Tatitun sutipax yupaychatäpan, inti jalsu tuqita, inti jalanta tuqikama!

[4] Tatitux markanakxar jilïrit qunt'atawa; ¡qhapaq kankañapax alaxpachat jilankiwa!

[5] Janiw khitis Tatit Diosasjamäkiti, jupax wali alayan reyi qunuñapxan qunt'atawa;

[6] Alaxpachampiru, uraqimpirux alxatasin uñtani.

[7] Tatituw laq'a uraqitpach pist'at jaqirux wayti, q'añu taypit jan kunan jaqirux waysu,

[8] aytat jaqinakampi chik qunt'ayañataki, markapan jilïrinakap taypir uchañataki.

[9] Jan wawachasir warmirux pä kusisiñ churi: wawanakanïña, utapan suman uñjatäña. ¡Tatitux jach'añchatäpan!