[1] Tatitur yuspagarapxam, munasirïtap layku, munasiñapax wiñayawa,
[2] diosanakan Diosapar yuspagarapxam, munasiñapax wiñayawa.
[3] Munañaninakan Munañanipar yuspagarapxam, munasiñapax wiñayawa.
[4] Jach'a muspharkañanak luririru, munasiñapax wiñayawa.
[5] Yatiñ kankañampi alaxpach luririru, munasiñapax wiñayawa.
[6] Uma patxar uraq jant'akt'iriru, munasiñapax wiñayawa.
[7] Intimpi phaxsimpi luririru, munasiñapax wiñayawa:
[8] Urun qhanañapatak inti uchiriru, munasiñapax wiñayawa;
[9] arum qhanañapatak phaxsimpi, warawaranakamp luririru, munasiñapax wiñayawa.
[10] Egiptonkirinakan jilïr yuqall wawanakapar jiwarayiriru, munasiñapax wiñayawa.
[11] Israelitanakar Egiptot irpsuniriru, munasiñapax wiñayawa;
[12] taqi ch'aman amparapamp irpsuniriru, munasiñapax wiñayawa.
[13] Mar Rojo qutar payar jaljtayiriru, munasiñapax wiñayawa.
[14] Israel markar lamar quta taypinjam irpkatiriru: munasiñapax wiñayawa.
[15] Mar Rojo qutar Faraonan jaqinakapar jaquntiriru, munasiñapax wiñayawa.
[16] Wasar chiq markapar irpiriru, munasiñapax wiñayawa.
[17] Aytat reyinakar jiwarayiriru, munasiñapax wiñayawa.
[18] Munañan reyinakar jiwarayiriru, munasiñapax wiñayawa:
[19] Amorreo jaqinakan Sihón reyipar jiwayiriru, munasiñapax wiñayawa;
[20] Basán uraqinkir Og reyir jiwayiriru, munasiñapax wiñayawa.
[21] Reyinakan uraqinakap markapar katuyiriru, munasiñapax wiñayawa,
[22] uywat Israel markapar tuti churxiriru, munasiñapax wiñayawa.
[23] Aynacht'añasan jiwasanakat amtasiriru, munasiñapax wiñayawa.
[24] T'aqhisiyirinakasat qhispiyiriru, munasiñapax wiñayawa.
[25] Jaqinakarusa, uywanakarus manq'añ chuririru, munasiñapax wiñayawa.
[26] ¡Alaxpachankir Diosar yuspagarapxam, munasiñapax wiñayawa!