[1] Tatay, taqi chuymampiw jumar yuspagaräma; angelanakan nayraqatapan jumatak q'uchurapïma.
[2] Qullan utam uñtataw killt'asï, munasiñamampita, chiqa kankañamampit yuspagarañataki, sutimarusa, arunakamarus taqi kunxaruw jilankaytaxa.
[3] Art'asinsma ukapachax ist'istawa, ch'am yapxatarakista.
[4] Tatay, arsutanakam ist'asinxa, akapachankir reyinakax jumaruw yuspagarapxätam.
[5] Tatitun thakhipan sumätap q'uchupxani, Tatitun k'ajkir kankañapan jach'ätap layku.
[6] Tatitux alaxpachankchi ukasa, llamp'u chuyman jaqirux uñtaniwa, jach'a jach'a tukur jaqirusti jayat uñt'i.
[7] Chijinakar purkta ukapachaxa, jumaw jakañaxar imtaxa; ch'amamampiw timanakaxan amparapat qhispiyistaxa.
[8] ¡Tatituw nayarux askinakamp phuqhantitani! Tatay, munasiñamax wiñayawa; amparamamp luratanakarux janikiy jaytanukumti.