<Salmos 114

[1] Israel markax Egipto markat mistunkän ukapacha, uka yaqha markat mistunkän ukapachaxa,

[2] Judá markax Tatitun qullan utjäwiparuw tuküna; Israel markax jupan apnaqat markaruw tuküna.

[3] Lamar qutax Israel markar uñjasax jist'jtänwa, Jordán jawir umasti qhiparuw kuttäna.

[4] ¡Jisk'a qullusa, jach'a qullusa, ovej qallunakar uñtataw t'isktapxäna!

[5] Lamar quta, ¿kunatarak jist'arttasti? Jordán jawira, ¿kunatarak qhipar kuttasti?

[6] Jach'a qullunaka, ¿kunatarak ovejanakar uñtat t'isktapxtasti? Jisk'a qullunaka, ¿kunatarak ovej qallunakar uñtat thuqtapxtasti?

[7] ¡Uraqi, Tatitun nayraqatapan khathatim, Jacobun Diosap nayraqatan axsartam!

[8] ¡Jupaw qarqanakat uma sayt'anak utjayi! ¡Jupaw qarqanakat uma jalsunak mistuyi!