[1] Pâ-pí-lùn ke ngiéu-siong Pí-le̍t phu̍k lo̍k-hi, Nì-pô khù hâ-hi, pûn-ngìn piong chhai chhu-lui lâu thèu-sâng ke poi-nòng táng, sàng-cho chhûng-tâm, hoi kì-têu tông-thiám.
[2] Ngiéu-siong lûng-chúng khù hâ-hi, phu̍k lo̍k-hi, mò phan-fap kiu chhṳ-kâ; kì-têu sàng-cho chan-li-phín, pûn-ngìn chok-chéu lé.
[3] Ngâ-kok ke chṳ́-sûn â, oi thâng Ngài ke fa; chhûn-tó ke Yî-set-lie̍t-ngìn â, chhiòn-phu oi thâng. Ngì-têu yit chhut-se, yit chhut mû-thôi, Ngài chhiu nám-tén ngì, koân-sîm ngì-têu.
[4] Chhṳ̍t-to ngì-têu ngièn-ló thèu-nà-mô pien-pha̍k ke sṳ̀, Ngài yit-chhṳ̍t khon-ku ngì-têu. Ngài chho ngì-têu, ya oi yông-yuk ngì-têu; Ngài oi nám ngì-têu, chṳ́n-kiu ngì-têu.
[5] Song-chú kóng: Ngì-têu oi chiông Ngài lâu má-ngìn lòi-pí? Yû má-ngìn lâu Ngài pí é-tet! Kám yû-ngìn án chhiong Ngài mâ? Ngài-têu cho-tet lòi-pí khon-é â!
[6] Yû-ngìn tá-khôi phì thoi-é, tó-chhut yit-si̍t kîm-é, yu yung thiên-phìn chhṳn yit-si̍t-é ngiùn-è; kì-têu chhiáng tá-kîm sṳ̂-fu tá-cho ngiéu-siong, yèn-heu hiong kì khúi-pai!
[7] Kì-têu yung kiên-thèu chiông kì kông hí-lòi, piong chhai ôn-chông ke só-chhai, pûn kì khî chhai ke-vi, kì chhiu m̀-voi thîn-thûng. Yû-ngìn hiong kì khì-tó, kì m̀-voi en kì; kì ya m̀-voi kiu ngìn lì-khôi khú-nan.
[8] Phoi-ngia̍k ke ngìn â, oi ki chhai sîm-chûng, ngì-têu oi ngin-chṳ̂n fì-sióng liá-têu sṳ.
[9] Oi ki-tet siên-chhièn fat-sên ke sṳ; Ngài he Song-ti, pin mò phe̍t ke sṳ̀n; Ngài he Song-ti, mò phe̍t ke sṳ̀n lâu Ngài pí é-tet.
[10] Yit khôi-sṳ́, Ngài chhiu chṳ́-mìn chiông-lòi ke kiet-khiu̍k; Ngài kú-chó chhiu kóng-mìn chiông-lòi voi fat-sên ke sṳ. Ngài kóng, Ngài ke kie-va̍k yit-thin voi vàn-sṳ̀n; Ngài só fôn-hí ke sṳ, Ngài yit-thin voi sṳ̍t-hien.
[11] Ngài oi tui tûng-fông seu-lòi yit-sà; kì oi chhiong ên-tiâu tui yén-fông lòi, vàn-sṳ̀n Ngài ke kie-va̍k. Ngài yí-kîn án-ngiòng siên-pu lé, Ngài yit-thin voi cho-tó; Ngài só kie-va̍k ke, Ngài yit-thin sṳ́ kì sṳ̍t-hien!
[12] Ngang-sîm ke ngìn â, lì-khôi kûng-ngi án-yén ke ngìn â, oi thâng Ngài ke fa!
[13] Ngài oi chhîn-chhṳ chiông Ngài ke kûng-ngi tai-lòi, ke ngit-è mò kí-kiú lé. Ngài ke kiu-su̍k yit-thin m̀-voi yèn-chhàn. Ngài oi chṳ́n-kiu Siak-ôn, sṳ́ Yî-set-lie̍t tet-tó Ngài ke yùng-kông.