[1] Ái! Kú-sṳ̍t ke hò-pa ke-phién yû yit-te thi, chhai ke-vi voi thâng-tó ya̍k yi̍t-kap ke hióng-sâng.
[2] Ngoi-kâu sṳ́-chá chhô-tén phû-chhó-sòn, tui ke-vi sun-tén Nì-lò-hò hâ-lòi. Ngì liá-têu sṳ́-chá oi kiak-kiak tai sin-sit chón ngì-têu ke ló-vuk hi! Chhiu-he hò-pa fûn-khôi ke thi-fông, ngìn-mìn yu kô-thai yu phì-fû kông-va̍t, chhiòn sṳ-kie ngìn só-kiâng ke ke-chak khiòng-thai ke koet-kâ.
[3] Thi-song só-yû ke ngìn-mìn â, oi chu-yi khon sân-táng sṳ̂n-hí ke thai-khì! Oi chu-yi thâng yòng-kok ke hióng-sâng!
[4] Song-chú tui ngài kóng: “Ngài oi tiâm-tiâm tui thiên-táng khon hâ-lòi, chhiu-chhiong sû-sṳ̀n sṳ̀-chiet ke lu-súi, yu chhiong ngie̍t-thiên ke thai ngit-thèu.
[5] Phù-thò sû-sṳ̀n yî-chhièn, fâ chhia-thet, phù-thò chhâ-m̀-tô voi siuk ke sṳ̀, sù-thi̍t oi lòi kûng-tá Kú-sṳ̍t, chhiong yung vò-liàm kot phù-thò thèn án yùng-yi.
[6] Kì-têu sṳ-pîn ke sṳ̂-thí chhiòn-phu vang chhai ngoi-poi, pûn fî-niâu yâ-chhu cho sṳ̍t-vu̍t; fî-niâu kûi-chak ngie̍t-thiên yû hó-sṳ̍t, yâ-chhu hàn-yû hó-sṳ̍t to ko-tûng.”
[7] To ke-sṳ̀, ke-chak hò-pa fûn-khôi ke thi-fông, chhiòn sṳ-kie ngìn só-kiâng ke ke-chak khiòng-thai ke koet-kâ, kì ke-têu yu kô-thai yu phì-fû kông-va̍t ke ngìn-mìn oi hiong Song-chú — Van-kiûn ke Ngièn-soi hien lî-vu̍t. Kì-têu oi to Siak-ôn-sân, chhiu-he kin-pai Song-chú — Van-kiûn ke Ngièn-soi ke thi-fông.