[1] Â-sut fòng-ti Sat-ngí-kîn min-lin kì ke ngièn-soi kûng-tá Fî-li-sṳ ke Â-sṳ̍t-thut-sàng, cham-liâng ke-sàng.
[2] Liá-khien sṳ fat-sên chhièn sâm-ngièn, Song-chú sṳt min-lin Â-mô-sṳ̂ ke lai-é Yî-soi-â thot-thet kì sṳ̂n-hong ke mà-sâm lâu kiok-hong ke hài. Kì thâng-chhiùng Song-chú ke fa, tá-chhak-pok, tá chhak-kiok hàng-lu.
[3] Â-sṳ̍t-thut pûn-ngìn cham-liâng ke sṳ̀, Song-chú kóng: “Ngài ke phu̍k-ngìn Yî-soi-â yí-kîn tá-chhak-pok, tá chhak-kiok hàng sâm-ngièn kiú; liá chhiu-he khiung-yong ke sṳ oi fat-sên chhai Âi-khi̍p lâu Kú-sṳ̍t ke seu-thèu.
[4] Â-sut fòng-ti oi tui liá lióng-ke koet-kâ tông-chûng chiông ngìn-mìn chok-chéu, pok-kông kì-têu ke sâm-fu; ke-sṳ̀, mò-lun ló-ngìn se-chṳ́, chhiòn-phu oi tá-chhak-pok, tá chhak-kiok, lu-chhut hâ-sṳ̂n, sṳ́ Âi-khi̍p tông kien-seu.
[5] Ke-têu sin-lai Kú-sṳ̍t lâu khoâ-khiéu Âi-khi̍p ke ngìn voi sṳt-chṳ chhie̍t-mong.
[6] Ke-sṳ̀, he̍t chhai Fî-li-sṳ hói-sùn ke ngìn voi kóng: ‘Khon â, ngài-têu só yí-kho, oi pông-chhu ngài-têu tí-khong Â-sut fòng-ti ke ngìn ngióng-pân he án-ngiòng thin-thin! Ngài-têu kám yû phan-fap thò-chéu nè?’ ”