[1] Ke-sṳ̀, chhit-ke fu-ńg oi lâi-tén yit-ke nàm-ngìn, kóng: “Ngài-têu cho-tet sṳ̍t chhṳ-kâ, chok chhṳ-kâ; ngì hén cho ngài-têu miàng-ngi song ke ló-kûng chhiu hó. Khiù ngì chhù-thet ngài-têu ke siû-chhṳ́!”
[2] To ke-ngit, Song-chú oi sṳ́ liá thú-thi tak-thèu kó-su ke su-mèu, kok-chúng chhṳ̍t-vu̍t ke nun-sún sâng-to yu-kô yu-chiâng. Yî-set-lie̍t chhûn-tó ke ngìn-mìn voi yîn-vi thú-thi ke chhut-sán lòi khoâ-khiéu, kám-kok chhin-yû thí-mien.
[3] Ke-têu chhûn chhai Siak-ôn, liù chhai Yâ-lu-sat-lâng ke ngìn, chhiòn-phu voi pûn-ngìn khon-cho he sṳn-kiet ke. Kì-têu he̍t chhai Yâ-lu-sat-lâng, kì-têu ke miàng ki-liu̍k chhai sâng-miang-chhak song.
[4] Chú ke Lìn oi lòi sṳ́m-phan, fùn-sêu, lòi kiet-chhiang Siak-ôn ke fu-ńg, yu chiông Yâ-lu-sat-lâng ke vû-ve lâu hiet sé-chhiang.
[5] Ke-sṳ̀, chhai Siak-ôn sân-táng, thai-kâ chhi-si̍p ke só-chhai, Song-chú voi chhai ngit-sṳ̀-thèu yung yùn châ-tén kì-têu, chhai am-pû-sṳ̀ yung yên-fó cheu-tén kì-têu. Song-ti ke yùng-kông voi chhiong chong-phùng pó-fu chhiòn-sàng;
[6] Kì ke yùng-kông voi chhai ngit-sṳ̀-thèu tông-cho châ ngit-thèu ke liòng-thìn, chhai khòng-fûng phau-yí ke sṳ̀ cho phit-nan-só.