[1] Song-chú â, Ngì he ngài ke Song-ti; ngài oi chûn-kin Ngì, chhṳ̂n-siung Ngì ke miàng. Yîn-vi Ngì he sin-sṳ̍t ke, Ngì hàng sṳ̀n-chiak khì-sṳ; Ngì sṳ̍t-hien kú-chó yí-kîn thin-hó ke kie-va̍k.
[2] Ngì sṳ́ sàng-sṳ pien-cho sa̍k-tôi; Ngì sṳ́ sàng-pó pien-cho fông-phû. Ngoi-pâng ngìn hí ke kiûng-thien yí-kîn fông-fi, yún-yén mò fap-thu chhùng-kien hí-lòi.
[3] Só-yî, kông-khiòng ke ngìn-mìn voi chan-mî Ngì; khiòng-koet ke sàng-sṳ voi kin-vi Ngì.
[4] Phìn-khiùng ke ngìn yí-kho Ngì, khun-khú ke ngìn tui Ngì tet-tó ôn-chhiòn. Ngì cho kì-têu phau-fûng-yí chûng ke phit-nan-só, sṳ́ kì-têu chhai ngie̍t-thiên ke ngit-thèu hâ châ-liòng. Chhàn-phau ngìn ke kûng-kit chhiong tûng-thiên ke khòng-fûng,
[5] ya tông-chhiong sâ-mo̍k tî-poi pet-ngìn ke ngie̍t-hi. Chúng-he Song-chú â, Ngì set thi̍t-ngìn ke choi; Ngì chú-chṳ́ ngoi-pâng phau-mìn ke chhàu-nau, chhiu-chhiong yùn ke yîm-yáng chhù-thet ngie̍t-hi.
[6] Chhai Siak-ôn-sân, Song-chú — Van-kiûn ke Ngièn-soi oi vi thiên-ha van-koet chún-phi yèn-si̍t, yû phông-phai ke sṳ̍t-vu̍t, chhin-hiông chhin-hó ke ló-chiú.
[7] Chhai liá sân-táng, Kì oi lâi-hâ van-mìn pî-sông miâng-mien ke mien-pha, chhù-thet khièm-tén lie̍t-koet thèu-nà táng ke pu-phùng.
[8] Kì oi chiông sí-mòng yún-yén chhù-thet! Chṳ-kô ke Song-chú oi chhu̍t-châu tak-sà ke muk-chṳp, chhù-thet Kì chṳ́-mìn chhai kok-koet só su-tó ke siû-chhṳ́. Song-chú án-ngiòng siên-pu lé.
[9] Ke-sṳ̀, tak-sà oi kóng: “Kì khok-sṳ̍t he ngài-têu ke Song-ti; ngài-têu yit-chhṳ̍t sin-kho Kì, Kì chhiu chṳ́n-kiu ngài-têu. Kì he Song-chú, ngài-têu yit-chhṳ̍t sin-kho Kì. Ngài-têu oi fôn-hí khoai-lo̍k, yîn-vi Kì yí-kîn chṳ́n-kiu ngài-têu.”
[10] Song-chú oi pó-fu Siak-ôn-sân; chúng-he Mô-ap-ngìn voi pûn-ngìn chien-tha̍p, chhiong vò-kón pûn-ngìn fit-lo̍k pun-tôi chûng cho-phì.
[11] Kì-têu voi chhai pun-tôi chûng chhûn-chhut sú lòi, chhiong ngìn oi chhiù-súi; chúng-he Song-ti oi siû-yu̍k kì-têu, sṳ́ kì-têu kiêu-ngau ke sú ngiôn hâ-lòi.
[12] Song-ti oi fí-fái Mô-ap-ngìn ke sàng-pó, chhak-thet sàng-chhiòng, chhak-to phiàng-phiàng, sàng-cho nài-fún.