[1] Hâ-poi he Song-ti pûn Â-mô-sṳ̂ ke lai-é Yî-soi-â ke yi-siong, he yû-koân Yù-thai lâu Yâ-lu-sat-lâng ke sin-sit.
[2] To chui-mî ke ngit-è, Song-chú sṳn-thien ke sân thin-chho̍k voi kien-li̍p chhai khiùn-sân ke táng-kô, kô-kô chhai-song, chhêu-ko chung-sân. Van-koet chhiòn-phu voi liù hiong liá sân.
[3] Chhin-tô mìn-chhu̍k voi chhi-si̍p chhièn-lòi, kóng: Lòi â, ngài-têu khiung-ha sông-hi Song-chú ke sân, khiung-ha lòi-hi Ngâ-kok Song-ti ke sṳn-thien. Kì voi chṳ́-kau ngài-têu yin-kôi hàng ke tho; ngài-têu ya oi hàng Kì só chṳ́-sṳ ke lu. Song-chú ke kau-hiun tui Siak-ôn fat-chhut; Kì ke sin-sit tui Yâ-lu-sat-lâng chhòn chhut-lòi.
[4] Kì voi kié-kiet koet-chi kiên ke kiu-fun, thiàu-kié mìn-chhu̍k kiên ke chên-tôn. Kì-têu voi chiông tô-kiam tá-cho lài-thèu, chiông màu-chhiông tá-cho liàm-è. Koet-chi kiên m̀-voi yû siông-chhṳ̀, kì-têu ya m̀-sṳ́ chai ho̍k-si̍p chan-chên.
[5] Ngâ-kok ke heu-thoi â! Lòi â, ngài-têu chhai Song-chú ke kông-mìn chûng hàng!
[6] Song-ti â, Ngì yí-kîn fit-thet Ngì ke chṳ́-mìn — Ngâ-kok ke heu-thoi; yîn-vi koet-nui tak só-chhai yû tui tûng-fông lâu Fî-li-sṳ-ngìn lòi ke sià-su̍t; ngìn-mìn chhiòn-phu thèn ngoi-chhu̍k ke fûng-siu̍k.
[7] Kì-têu koet-nui kîm-ngiùn mân-thi, chhòi-pó tô-to son m̀-chhut; kì-têu kin-nui mân-phien he chan-mâ, hàn-yû son m̀-chhin ke chan-chhâ.
[8] Kì-têu ke só-chhai chhûng-mân ngiéu-siong; kì-têu pai chhṳ-kâ yung-sú tiâu-khiet ke tûng-sî.
[9] Pî-chhien ngìn khúi-pai, chûn-kui ngìn ya khúi-hâ, chhṳ-ngien phai-fái. Song-chú â, khiù Ngì m̀-hó sa-miên kì-têu!
[10] Kì-têu yin-tông oi sám-to ngàm-sa̍k hâ, khong-to thi-lùng tú, sióng-oi sám Song-chú ke fat-khién lâu Kì vî-ngiàm ke yùng-kông.
[11] Ngit-è chiông-to, kiêu-ngau ke ngìn voi su ap-chṳ, chhṳ-thai ke ngìn voi kong-cho pî-chhien; chṳ́-yû Song-chú su chûn-kin.
[12] Chhai ke-ngit, Song-chú — Van-kiûn ke Ngièn-soi oi chiông yû khièn-sṳ, chhṳ-khoâ lâu kiêu-ngau ke ngìn kong-cho pî-chhien.
[13] Kì oi chám-thet Lì-pâ-nun kô-thai ke hiông-pak-su, fí-thet Pâ-sân ke siong-su;
[14] siok-phiàng thai-se sân-kông,
[15] súng-vang kô-thap lâu kiên-ku ke sàng-chhiòng;
[16] chhṳ̀m-thet Thâ-sṳ̂ chhin-chiâng ke thai-sòn.
[17] Chhai ke-ngit, kiêu-ngau ke ngìn voi su ap-chṳ, chhṳ-thai ke ngìn voi kong-cho pî-chhien, chṳ́-yû Song-chú su chûn-kin.
[18] Ngiéu-siong ya voi pûn Kì vàn-chhiòn chhù-thet.
[19] Song-chú yèu-thung thi-kî ke sṳ̀, ngìn oi sám-to ngàm-sa̍k hâ, khong-to thi-lùng tú, sióng-oi sám Song-chú ke fat-khién lâu Kì vî-ngiàm ke yùng-kông.
[20] To ke-ngit, kì-têu oi te̍p-thet chhṳ-kâ chṳ-chho ke kîm-ngiùn ngiéu-siong, fit-pûn thièn-chhú lâu phi̍t-phò-è.
[21] Song-chú yèu-thung thi-kî ke sṳ̀, ngìn oi khong chhai sân-lùng ya-he ngàm-sa̍k ke phung-tú, sióng-oi sám Song-chú ke fat-khién lâu Kì vî-ngiàm ke yùng-kông.
[22] M̀-hó vá-kho sṳ-kiên ngìn, yîn-vi kì-têu voi sí, kì-têu son má-ke nè?