[1] Hâ-poi he yû-koân Pâ-pí-lùn ke sin-sit. Chhiu-chhiong khòng-fûng so-ko sâ-mo̍k, châi-nan voi tui tet-ngìn-kiâng ke thi-fông lòi-to.
[2] Ngài khon-tó pî-chhám ke yi-siong chiap-tén fat-sên — kúi-cha ke hàn-he kúi-cha; pho-fái ke ki-siu̍k pho-fái. Yî-làn ke kiûn-chhui â, chhûng-fûng ô! Mí-tí-â ke kiûn-chhui, kûng sàng ô! Song-ti oi thìn-chṳ́ Pâ-pí-lùn tai-pûn ngìn ke thung-khú.
[3] Ngài yit khon-tó liá chhong-khóng, thâng-tó liá-fa, chhiu chho̍k-kiâng kân-khú, chhiong fu-ngìn-kâ kiung se-ngìn-è ke chhṳn-thung khiung-yong. Ngài kiâng-to má-ke tû khon m̀-tó, má-ke ya thâng m̀-tó.
[4] Ngài ke thèu-nà fùn-fùn; ngài kiâng-to pi̍t-pi̍t-chhat. Ngài phìn-sòng hî-mong lìm-am-é kiak-kiak lòi-to hó hiet-khun, chúng-he liá-ha lìm-am-é pûn ngài hàn-kha chho̍k-kiâng.
[5] Chhai liá yi-siong chûng, ngài khon-tó yèn-si̍t chún-phi hó-se, thi-thán ya vi ngìn-hak phû-hó lé; kì-têu yu lîm yu sṳ̍t. Fut-yèn-kiên, yû min-lin chhòn-lòi: “Kok-vi kiûn-kôn, nâ tún-phài, chún-phi siông-chhṳ̀!”
[6] Ke-sṳ̀, Chú tui ngài kóng: “Ngì hi, phai-ngìn sú-mong, fûn-fu kì chiông só khon-tó ke sùi-sṳ̀ po-ko.
[7] Na-he kì khon-tó yû khì-pîn lióng-ke lióng-ke ko-lòi, hàn yû-ngìn khì-tén lì-è lâu lo̍k-thò, chhiu oi chu-yi khon siòng-se.”
[8] Sú-mong ke ngìn thai-sâng hêm-kóng: “Chú â, ngài voi ngit-ya chhai liá-vi khî ví-pîn!”
[9] Fut-yèn-kiên, yû khì-pîn lióng-ke lióng-ke sông-lòi; sú-mong ke ngìn chhiu po-ko kóng: “Pâ-pí-lùn vang-thet lé! Vang-thet lé! Kì-têu só-pai ke ngiéu-siong chhiòn-phu pûn-ngìn khau-sui chhai thi-song.”
[10] Ngài ke Yù-thai thùng-pâu â! Ngì-têu yit-liu-lî chhiong pûn-ngìn yung chhî-é chhî ke ma̍k-é yit-yong; chúng-he liá-ha ngài yí-kîn po-ko ngì-têu yit-ke hó sêu-sit, chhiu-he ngài tui Song-chú — Van-kiûn ke Ngièn-soi, Yî-set-lie̍t ke Song-ti ke-vi thâng-lòi ke.
[11] Hâ-poi he yû-koân Yî-tûng ke sin-sit. Yû-ngìn tui Yî-tûng mun ngài: “Chóng-kâng ke â! Am-pû-thèu voi ko màng? Am-pû-sṳ̀ hàn-yû kí-kiú?”
[12] Ngài en-kóng: “Thiên voi kông lé, chúng-he am-pû-thèu hàn voi lòi. Na-he ngì hàn-oi mun, ha-ngi pái chang lòi mun.”
[13] Hâ-poi he yû-koân Â-lâ-pak ke sin-sit. Tí-tan ke ngìn-mìn â, chhai Â-lâ-pak sâ-mo̍k ke su-lìm chûng tap chong-phùng ke sông-chhui â!
[14] Yû choi-châu ke ngìn to ngì-têu mien-chhièn lòi, ngì-têu oi nâ-súi pûn kì-têu lîm! Chhai Thì-mâ ke ngìn-mìn â, yû nan-mìn lòi-to, ngì-têu oi nâ-pûn kì-têu sṳ̍t!
[15] Liá-têu ngìn chhiòn-phu he mò pûn tô-é chhṳ̀-tó, mò pûn kiûng-chien sa-tó, chhai chan-chên chûng thò-miang chhut-lòi ke nan-mìn.
[16] Só-yî Chú tui ngài kóng: “Chhai yit-ngièn nui, cheu chhòng-kûng ke ngièn-han, Kî-tha̍t phu-lo̍k ke hîn-vong chhiu oi thìn-thet.
[17] Kî-tha̍t-ngìn chûng chui yúng-kám ke he kiûng-chien-sú; kì-têu ke su-muk ya voi kám-séu, chhûn mò kí-ke. Ngài — Song-chú, Yî-set-lie̍t ke Song-ti án-ngiòng siên-pu lé.”