[1] Lie̍t-koet ke ngìn-mìn â, chhiòn-phu lòi â! Ngì-têu chhiòn-phu lòi thâng. Chhiòn sṳ-kie ke ngìn oi to ngài mien-chhièn lòi thâng.
[2] Song-chú tui kok-koet lâu kì-têu ke kiûn-chhui thai fat-khién, chiông kì-têu kâu-pûn ngìn chhṳ̀, chha̍t-tái sêu-me̍t kì-têu.
[3] Kì-têu ke sṳ̂n-sṳ̂ pûn-ngìn lon-fit, mièn-to chhu-mi chhung-thiên; mân-sân he hiet.
[4] Thiên-song ke van-siong chhiòn-phu voi sêu-san thet. Thiên voi chhiong kién hí-lòi ke sû-kién; sên-é tiet hâ-lòi, chhiong vù-fâ-kó lâu phù-thò-su ke ya̍p-é tiet hâ-lòi yit-yong.
[5] Song-chú chhai thiên-táng ke pó-kiam yí-kîn chún-phi hó-se; liá-ha Kì oi chhṳ̀-thet Kì chó chhiu kiet-thin oi me̍t-mòng ke Yî-tûng-ngìn.
[6] Song-chú ke kiam oi kò-mân kì-têu ke hiet lâu yù, chhiong hien-chi yung ke se-yòng lâu sân-yòng ke hiet, pin mièn-yòng-kú yêu-é ke yù. Song-chú oi chhai Pô-sṳ̂-lâ-sàng hien-chi, chhai Yî-tûng chin-hàng thai thù-sat.
[7] Ngìn-mìn voi chhiong yâ-ngiù lâu se ngiù-kú khiung-yong sí chhai thi-song; kì-têu ke thú-thi tak-vi he hiet, mân-phien yù chi-chi.
[8] Liá he Song-chú vi-tó chṳ́n-kiu Siak-ôn, lòi hiong sù-thi̍t po-sù ke ngit-è.
[9] Yî-tûng ke hò-pa voi pien-cho mâ-kâu, nài pien-cho liù-vòng; thú-thi chhiong sêu-chho̍k ke mâ-kâu,
[10] ngit-ya chho̍k-fó, nùng-yên chhung-thiên. Liá-te thú-thi voi sṳ-sṳ thoi-thoi fông-fi, yún-yén mò-ngìn kîn-ko.
[11] Ke só-chhai chṳ́-yû thi-fù, chien-chû, meu-thèu-tiâu, lâu vû-â hàn he̍t chhai ke-vi. Song-chú oi sṳ́ kì khûng-hî to m̀ sṳ̀n-hìn, chhiong sṳ-kie chhóng-chho yî-chhièn khiung-yong.
[12] Mò vòng, ya mò chóng-kôn chhṳ-lî liá-te thú-thi.
[13] Vòng-kiûng lâu sàng-chhiòng chhiòn-phu sâng-mân net-è, chhi̍t-lì, chṳ́-yû yâ-kiéu lâu thò-niâu he̍t chhai ke-vi.
[14] Sài-lòng, yâ-sân-yòng, lâu khì-thâ yâ-chhu chhai ke-vi sò-lòi sò-hi, fat-chhut koai-sâng chêu-phân; ya yû am-pû-thèu ke yêu-koai chhut-lòi chhìm hiet-khun ke thi-fông.
[15] Meu-thèu-tiâu chhai ke-vi cho-teu, sâng-lón, phu-chṳ́. Ên-tiâu sûng-sûng tui-tui pî-lòi, chhi-si̍p chhai ke-vi.
[16] Ngì-têu hi ngiên-kiu Song-chú ke sû, khon sû tî-poi ngióng-pân siá. Liá-têu thung-vu̍t chhiòn-phu mò leu-thet, kì-têu oi chhai ke-vi cho-phân phi-tui. Liá he Song-chú chhîn-chhṳ fûn-fu ke; Chú ke Lìn oi chiông kì-têu chhi-si̍p khiung-ha.
[17] Chú yung ngiâm-khiêu lâu liòng-chhak fûn-phi liá-te thú-thi pûn kì-têu; kì-têu voi sṳ-sṳ thoi-thoi he̍t chhai ke-vi. Liá-thi voi yún-yén su̍k kì-têu.