[1] Hâ-poi he yû-koân Thai-mâ-sṳ-kiet ke sin-sit. Song-chú kóng: “Thai-mâ-sṳ-kiet chiông-lòi m̀-voi chai he yit-ke sàng-sṳ; kì voi pien-cho fông-liòng ke thú-tôi.
[2] Si-li-â só-yû ke sàng-sṳ voi yún-yén fông-thet, sàng-cho ngiù-yòng hiû-sit ke só-chhai, m̀-voi yû-ngìn lòi kiuk kì-têu.
[3] Yî-set-lie̍t voi sṳt-thet pó-chông; Thai-mâ-sṳ-kiet voi sóng-sṳt thu̍k-li̍p. Ke-têu chhûn-tó ke Si-li-â-ngìn voi chhiong Yî-set-lie̍t-ngìn khiung-yong su-chhin siû-yu̍k. Ngài — Song-chú, Van-kiûn ke Ngièn-soi án-ngiòng siên-pu lé.”
[4] Song-chú kóng: “To ke-ngit, Ngâ-kok heu-thoi ke yùng-kông chhiu voi ngio̍k thet-hi; kì-têu voi tui fu-chiuk pien-cho phìn-khiùng.
[5] Yî-set-lie̍t chiông-lòi voi chhiong yit-te sû-kot ko ke thièn-thi, kông-kông chhiong Li-fa̍t-yîm sân-lak chang sû-kot ko ke thièn-thi.
[6] Yî-set-lie̍t-ngìn chûng chṳ́-yû séu-su ngìn hàn yû-miang; kì-têu chhiu-chhiong pûn-ngìn chak-ko ke kám-lám-su, su-mî chṳ́-chhûn lióng-sâm lia̍p, hâ-poi ke su-khoá ya chhûn si, ńg-lia̍p ke kám-lám. Ngài — Song-chú, Yî-set-lie̍t ke Song-ti án-ngiòng siên-pu lé.”
[7] To ke-ngit, ngìn oi chón-hiong chhóng-chho kì-têu ke Chú, chhiòn-sîm ngióng-mong Yî-set-lie̍t sṳ̀n-sṳn ke Song-ti.
[8] Kì-têu m̀-voi chai yí-lai chhṳ-kâ ke sú só-chho ke chi-thàn, ya m̀ sin-ngim chhṳ-kâ ke sú-chṳ́ só-cho ke, chhiu-he ke-têu Â-sa-lâ ńg-sṳ̀n ke chhû-é lâu hiông-thàn.
[9] To ke-ngit, fòng-phi kiên-ku ke sàng-sṳ voi pûn-ngìn fi-thet, sàng-cho fông-phû, chhiong Hî-vi-ngìn lâu Â-mô-li-ngìn chhai Yî-set-lie̍t-ngìn mien-chhièn thò-chéu fit-thet ke sàng khiung-yong.
[10] Yî-set-lie̍t ngìn-mìn â, ngì-têu yí-kîn m̀ ki-tet ke chṳ́n-kiu ngì-têu, chhiong kiên-ku ke ngàm-sa̍k pó-fu ngì-têu ke Song-ti; ngì-têu fán-chón vi-tó oi pai ngoi-koet ke ngiéu-siong, kien-sat sṳ̀n-sṳn fâ-yèn.
[11] Chhiu-son ngì-têu châi-chung ke-ngit kì-têu chhiu pau-ngà khôi-fâ, ya mò khó-nèn yû sû-sṳ̀n. Ngì-têu chṳ́-yû yù-sèu chhie̍t-mong thung-khú.
[12] Ái! Van-mìn ke chhàu-sâng chhiong hói-súi án thai-sâng, chhiong hói-long án-chhàu.
[13] Lie̍t-koet chhiong pô-long kûng-tá ko-lòi; chúng-he Song-ti thai-sâng tot kì-têu, sṳ́ kì-têu thui-to yén-yén, chhiong sân-táng fûng-chûng ke nài-fún, chhiong phau-fûng chûng ke châu-chhó.
[14] Am-pû-thèu kì-têu sṳ́ ngìn chho̍k-kiâng, thi-ngi chêu-sṳ̀n chhiu mò-chiûng mò-yáng. Liá he chhióng-kiap ngài-têu thú-thi ke ngìn só su-tó ke miang-yun!