[1] To ke-ngit, ngì-têu voi kóng: Song-chú â, ngài kám-chhia Ngì! Sûi-yèn Ngì sṳt tui ngài fat-khién, chúng-he Ngì ke su-hi yí-kîn so̍t lé; Ngì liá-ha yí-kîn ôn-ví ngài.
[2] Khon â! Song-ti he ngài ke kiu-chú; ngài oi sin-lai Kì, ngài má-ke tû m̀-kiâng. Song-chú he ngài ke li̍t-liong, Chú he ngài ke sṳ̂-kô; Kì he ngài ke kiu-chú.
[3] Chhiu-chhiong chhièn-súi sṳ́ choi-châu ke ngìn fôn-hí, Song-ti ke chṳ́-mìn ya yîn-vi Kì ke chṳ́n-kiu khoai-lo̍k!
[4] To ke-ngit, ngì-têu voi kóng: Oi kám-chhia Song-chú, siung-chan Kì ke miàng! Oi chiông Kì ke só-cho po-pûn van-koet tî; oi hiong van-mìn chhòn-yòng Kì ke sṳn-miàng.
[5] Oi hiong Song-chú chhong-kô, yîn-vi Kì sṳ̀n-chhiu thai-sṳ; oi pûn chhiòn sṳ-kie thâng-tó liá hó sêu-sit!
[6] He̍t chhai Siak-ôn ke ngìn oi thai-sâng fôn-hí chhong-kô! Yî-set-lie̍t sṳ̀n-sṳn ke Song-ti ngióng-pân ví-thai â! Kì he̍t chhai ngì-têu tông-chûng!