[1] Hâ-poi he yû-koân Mô-ap ke sin-sit. Â-ngí-sàng lâu Kî-ngí-sàng yit am-pû chhiu me̍t-thet lé. Mô-ap-thi cho yit am-pû fi-thet lé.
[2] Tí-pún-ngìn phà-sông sân, chhai kì-têu ke sṳ̀n-meu tú ôi-sông thai-kieu; Mô-ap-ngìn vi-tó Nì-pô lâu Mí-tí-pâ-sàng sông-sîm chhin-kieu; kì-têu pî-ôi to thi-thet thèu-nà-mô, koat-thet fù-sî.
[3] Chhai kiê-lu hàng ke ngìn-mìn chhiòn-phu chok mà-sâm; kóng-chhòng lâu vuk-táng ke ngìn chhiòn-phu muk-chṳp làm-kâm thai-sâng kieu.
[4] Hî-sṳ̍t-pún lâu Yî-li-â-li-ngìn chhiòn-phu thai-kieu; kì-têu ke kieu-sâng lièn Ngâ-chha̍p ke ngìn-mìn ya thâng-tó lé. Só-yî Mô-ap ke sṳ-pîn ya chhiòn-phu chho̍k-kiâng, sṳt-thet yúng-hi.
[5] Ngài ke sîm vi Mô-ap pî-sông! Ke thi-fông ke nan-mìn yí-kîn chéu-to Só-ngí lâu Yî-kî-lâ-Sṳ̂-li-sṳ̂-â hi lé. Yû-têu ngìn phà-sông Lû-hî-pô, kín-chéu kín-kieu; yû-têu ngìn thò-chéu to Hò-lò-ngiam, khôi-sâng thai-kieu.
[6] Nèn-lìm ke hò-pa mò súi, hò-pa sùn ke chhó châu-thet, chhṳ̍t-vu̍t sí-thet, mò pan-si̍t chhiâng-chhiâng ke tûng-sî.
[7] Só-yî, kì-têu tai-tén chit-chhùn ke chhòi-vu̍t, ko Liû-su hâng-lak thò-nan hi lé.
[8] Chhai Mô-ap piên-kie, tak só-chhai thâng tet-tó thai-kieu ke sâng, lièn he̍t chhai Yî-kî-lièn lâu Pí-ngí-Yî-lìm ke ngìn ya chhiòn-phu thâng-tó lé.
[9] Tí-mùn-sàng ke hò-pa súi chhiòn-phu he hiet; Song-ti hàn-oi hiong Tí-mùn ke ngìn-mìn kong-hâ kien-thai ke châi-nan. Tui Mô-ap thò-chhut-lòi ke nan-mìn chhiòn-phu voi pûn sṳ̂-é sṳ̍t-thet, ke-thi só chhûn-tó ke ngìn ya voi khiung-yong.