[1] Ke-têu to Âi-khi̍p hi khiù pông-chhu ke ngìn voi tù-tó châi-nan lé! Kì-têu yí-kho Âi-khi̍p khiòng-thai ke kiûn-li̍t — chan-mâ, chan-chhâ lâu khì-pîn, chúng-he m̀ yí-kho Yî-set-lie̍t sṳ̀n-sṳn ke Song-ti, m̀ khiù Song-chú ke pông-chhu.
[2] Khì-sṳ̍t, Song-ti thai-yû chṳ-fi; Kì oi chit-fa̍t chok-ok ke ngìn lâu ke-têu then-sú chok-ok ke ngìn. Kì kiet-thin oi kong châi-fo, chhie̍t-tui m̀-voi kói-pien.
[3] Âi-khi̍p-ngìn pin m̀-he sṳ̀n; kì-têu he ngìn thin-thin! Kì-têu ke mâ-é he hiet-ngiuk ke, pin m̀-he lìn! Song-chú yit chhûn-sú, khiòng-koet ya voi tiet-tó, kì só pông-chhu ke ngio̍k-koet ya voi vang-thet; kì-têu voi khiung-ha me̍t-mòng.
[4] Song-chú án-ngiòng tui ngài kóng: “Chhiu-chhiong sṳ̂-é ya-he se sṳ̂-é chok-tó lia̍p-vu̍t, yù-chhai kûi-khiùn chóng-yòng ke ngióng-pân thai-sâng tot, kì-têu m̀-voi chho̍k-kiâng ya m̀-voi sù-sù. Khiung-yong, Ngài — Song-chú, Van-kiûn ke Ngièn-soi oi kong-lìm, pó-fu Siak-ôn-sân; mò-ngìn cho-tet chú-tóng.
[5] Chhiu-chhiong tiâu-é tá-khôi yi̍t-kap pó-fu tiâu-chṳ́, Ngài — Song-chú, Van-kiûn ke Ngièn-soi ya oi pó-fu Yâ-lu-sat-lâng, oi pó-fu kì, chṳ́n-kiu kì, phàn-ko kì, m̀ pûn kì su sông-hoi.”
[6] Yî-set-lie̍t-ngìn â, ngì-têu sṳt vàn-chhiòn phoi-ngia̍k Song-chú. Liá-ha oi kûi-hiong Kì!
[7] To ke-sṳ̀, ngì-têu tak-sà voi te̍p-thet ngì-têu chhîn-sú yung kîm-ngiùn só chu-chho ke-têu sià-ok ke ngiéu-siong.
[8] Song-chú kóng: “Â-sut-ngìn voi chhai tô-ha vang-thet, pin m̀-he ngìn ke tô-é; yû tô-é oi chiông kì-têu thûn-me̍t, ya m̀-he ngìn ke tô-é. Â-sut-ngìn voi yîn-vi liá-ke tô-é thò-chéu; kì-têu ke heu-sâng ngìn voi pûn-ngìn chok-hi cho nù-chhòi.
[9] Kì-têu ke fòng-ti voi kiâng-to thò-chéu; ke-têu kiûn-kôn voi fông-chông chha̍t-thui, lièn kiûn-khì ya vok-thet.” Song-chú án-ngiòng siên-pu lé. Kì yû fó chhai Siak-ôn, yû lù chhai Yâ-lu-sat-lâng.