<Зебур 123

[1] Десин Исраиль: – Эгер РАББИ бизнен олмаса эди,

[2] эгер РАББИ бизнен олмаса эди, адамлар бизге къаршы чыкъкъанда,

[3] бизге къаршы гъазаплангъанда, олар бизни тири-тири ютар эди,

[4] сувлар бизни богъар эди, джанымыз устюнден селлер кечер эди,

[5] джанымыз устюнден сув ташкъыны кечер эди.

[6] РАББИге бинъ шукюрлер олсун, чюнки оларгъа бизни тишлернен йыртмагъа ёл бермеди.

[7] Бизим джанымыз, бир къуш киби, авджыларнынъ тузагъындан къачып къуртулды. Тузакъ парланды, биз къачып къуртулдыкъ!

[8] Ярдымымыз – РАББИнинъ Адында, ер ве кокнинъ Яратыджысында!