[1] Matigi ye min fɔ Jeremi ye Filisitikaw ko la sani Faraon ka daga Gaza da la, o filɛ nin ye.
[2] Matigi ko: «Jikuruba natɔ filɛ ka bɔ saheli yanfan fɛ, a na kɛ ba karilen ye. A na dugukolo ni a kan fɛn bɛɛ tunun, a na duguw ni u kɔnɔ mɔgɔw tunun. Mɔgɔw bɛɛ na kulo, jamana kɔnɔ mɔgɔw bɛɛ na kasi.
[3] U na sow bolitɔ ntɔrɔnw kan mɛn, u na wotorow kan ni wotoro senw mankan mɛn. Faw tɛna hali u kɔ filɛ ka u denw filɛ, u bolow barika dɛsɛli kosɔn.
[4] Filisitikaw halaki don sera, minw bɛ Tir ni Sidɔn dɛmɛ, olu bɛɛ na halaki ka u ban. K'a masɔrɔ Matigi na Filisitikaw tiɲɛn, Kafitɔr gun kan mɔgɔ tɔ tolenw kɔni.
[5] Gaza kɛra kunsigi bɔsilen ye. Askalon ni a lamini jɛkɛnɛw mankan sumana. I na to ka i farikolo cici fo tuma jumɛn?
[6] Matigi ka npan, e na i lafiya tuma jumɛn? I ka don i ntan na ka i jɔ ka i lafiya.
[7] A bɛ se ka lafiya cogo di, k'a sɔrɔ Matigi ye a ci? A ye a ci Askalon ni kɔgɔji dala jamana kama.»