[1] Ayiwa, Jeremi tun bɛ kiraya kɛ ka o kow fɔ tuma min na, sarakalasebaa Imer denkɛ Pashur min tun ye kuntigi ye Matigi ka so kɔnɔ, o ye Jeremi ka kuma mɛn.
[2] O tuma la Pashur ye kira Jeremi gosi k'a don nɛgɛ la k'a bila kaso la Benjamɛn bɔnsɔn ka donda kɛrɛ fɛ Matigi batosoba kɔnɔ.
[3] O dugusajɛ Pashur ye Jeremi labɔ kaso la. Jeremi y'a fɔ a ye ko: «Matigi tɛ e wele ko Pashur, nka a bɛ i wele ko Magor-Misabib.
[4] O de kosɔn Matigi ko: ‹A filɛ, ne na siranba bila i yɛrɛ ni i teriw bɛɛ la. U juguw na u faga ni npan ye i yɛrɛɲɛ na. Ne na Juda bɛɛ don Babilonɛ masakɛ bolo, a na u cɛ ka taa ni u ye Babilonɛ ka u faga ni npan ye.
[5] Ne na nin dugu nafolo bɛɛ ni a fɛn nafamaw bɛɛ ani a fɛn sɔngɔ gɛlɛnw bɛɛ ani Juda masakɛw ka nafolow bɛɛ don u juguw bolo. Olu na u cɛ ka taa ni u ye Babilonɛ.
[6] E Pashur, i ni i ka so mɔgɔw bɛɛ na cɛ ka taa Babilonɛ jɔnya la. I ye nkalon kiraya kɛ i teri minw bɛɛ ɲɛ na, i yɛrɛ ni olu na sa yen ka aw su don yen.›»
[7] Matigi, i ye ne janfa, ne janfara. I barika ka bon ne ta ye, i ye se sɔrɔ ne kan. Ne kɛra dala file fyɛ fɛn ye don o don, mɔgɔ bɛɛ bɛ ne npara bɔ.
[8] Ni ne bɛ kuma tuma min na, ne bɛ tɔɔrɔ kow fɔ. Wajibi don ne ka pɛrɛn ka kɛlɛ ni halakili kiraya kɛ. Ne bɛ mafiɲɛya ka ne npara bɔ Matigi ka kuma kosɔn don o don.
[9] Ni ne ko ne tɛna kuma a ko la tun, ko ne tɛna kuma a tɔgɔ la tun, a bɛ kɛ i ko tasuma bɛ ne kolow jeni. Ne bɛ cogo bɛɛ kɛ ka o muɲu, nka ne tɛ se ka to a fɔbali ye.
[10] Ne ye jama ka npara bɔli kuma caman mɛn ko: «Siranba bɛ an lamini.» U ko: «An yɛrɛw na a sen don.» Minw ni ne tun bɛ hɛrɛ laɲɔgɔn fɛ, olu bɛ ne taama cogo kɔlɔsi k'a fɔ ko: «A dɔrɔ an na cun a kan, o tuma la an na a minɛ ka an dimin bɔ a la.»
[11] Nka Matigi bɛ ne fɛ i ko kɛlɛkɛ cɛ farin, o de kosɔn ne tɔɔrɔbaaw na bi, u tɛna se sɔrɔ. Maloyaba na u sɔrɔ, sabu u ma se sɔrɔ. U na bɔ da la badaa, mɔgɔ si tɛnaɲinɛ o maloya kɔ abada.
[12] Kɛlɛbolow Matigi, i bɛ mɔgɔ tilennenw kɔrɔbɔ, i bɛ mɔgɔ dusukun ni a kɔnɔna miiriliw dɔn. Ne na i hakɛ bɔ cogo ye ne juguw la, k'a masɔrɔ ne ye ne ka koɲɛw kalifa i ma.
[13] Aw ka dɔnkili da Matigi ye ka a tanu, sabu a ye kɔlibaatɔ tila ka bɔ mɔgɔ juguw bolo.
[14] Ne bange don ka danga. Ne ba ye ne bange don min na, o kana duba sɔrɔ.
[15] Mɔgɔ min taara o kibaru fɔ ne fa ye ka ne fa nisɔndiya, ko a ye denkɛ sɔrɔ, o tigi ka danga.
[16] O tigi ka kɛ i ko Matigi ka dugu cilenw, hinɛ ma kɛ minw na. O ka nwunankan mɛn kabini sɔgɔma fɛ, ka kɛlɛ kulokan mɛn tile gwan fɛ.
[17] Ne tun ka kan ka sa sani ne ka bange, ne ba kɔnɔbara tun na kɛ ne kaburu ye, ka ne to yen badaa.
[18] Mun y'a to ne bangera ka tɔɔrɔ ni dusu kasi sɔrɔ, ka ne si mumɛ bɛɛ kɛ maloya ye?