[1] San kalo wolonwulanan la, Elisama denkɛ Netaniya denkɛ Isumaɛl min tun ye masa si ye, ni masakɛ ka faamaba dɔ tun don, o ni cɛ tan taara Ahikam denkɛ Gedaliya ka so Mizpa. U ye dumuni kɛɲɔgɔn fɛ.
[2] O kɔ, Isumaɛl ani a fɛ cɛ tan wulila ka u ka npanw kɛ ka Gedaliya faga. Babilonɛ masakɛ tun y'a sigi jamana kuntigiya la.
[3] Yahutu minw sigilen tun bɛ Gedaliya fɛ Mizpa ani Kaldekaw ka kɛlɛkɛ cɛ minw tun bɛ yen, Isumaɛl ye olu fana faga.
[4] O dugusajɛ sani Gedaliya fagali ka dɔn,
[5] mɔgɔ bisegin nana ka bɔ Sikem ni Silo ani Samari. Olu tun ye u bonbonsi di ka u ka finiw fara ka u fariw cici. U tun nana ni mugu sarakaw ni suma diyalan mana ye u bolo, ko u bɛ taa ni olu ye Matigi ka so kɔnɔ.
[6] Isumaɛl bɔra Mizpa. A kasitɔ taara ka u kunbɛn. A selen u yɔrɔ la, a y'a fɔ u ye ko: «A' ye taa Ahikam denkɛ Gedaliya ka so.»
[7] O mɔgɔw selen dugu kɔnɔ, Isumaɛl ni a fɛ cɛw ye olu faga ka u suw fili dingɛ dɔ kɔnɔ.
[8] Nka u la mɔgɔ tan y'a fɔ Isumaɛl ye ko: «I kana an faga, balo dogolen bɛ an fɛ foro kɔnɔ, alikama ni tulu ani di.» Isumaɛl ye olu to yen. A ma u faga u balimaw fɛ.
[9] Isumaɛl ye a ka mɔgɔ fagalenw suw fili dingɛ min kɔnɔ, masakɛ Asa tun ye o dingɛ sen ka kɛ dogo yɔrɔ ye Israɛl bɔnsɔn ka masakɛ Baesa tilew la.
[10] O kɔ, mɔgɔ minw tun bɛ Mizpa, a ye olu bɛɛ minɛ ka taa ni u ye. Olu tun ye masakɛ denmusow ani Mizpa dugu kɔnɔ mɔgɔ tɔ tolenw ye, olu tun kalifara garadiw kuntigi Nebuzar-Adan ani Gedaliya ma. Isumaɛl taara ni o mɔgɔw ye jɔnya la ka taa a yɛrɛ dogo Amɔn bɔnsɔn ka jamana la.
[11] Isumaɛl ye ko min kɛ, o fɔra Jokanan ni sɔrɔdasi kuntigi dɔw ye.
[12] Olu ye u fɛ cɛw lajɛ ka wuli Isumaɛl kama. U kura a la Gabaon ji dingɛw da la.
[13] Isumaɛl tun ye mɔgɔ minw minɛ ka bɔ Mizpa, olu ye Jokanan ye tuma min na, u nisɔndiyara kosɛbɛ.
[14] Olu bɔra Isumaɛl nɔ fɛ ka taa Jokanan kunbɛn.
[15] Isumaɛl ni a fɛ cɛ segin bolila Jokananɲɛ ka taa Amɔn bɔnsɔn ka jamana la.
[16] Gedaliya fagalen kɔ Isumaɛl fɛ, Isumaɛl ye kɛlɛkɛ cɛw ni musow ni denmisɛnw ani so kɔnɔ baaraden minw cɛ ka bɔ Mizpa, Jokanan ani a fɛ kɛlɛbolo kuntigiw ye o mɔgɔ tɔ tolenw bɛɛ tila ka bɔ Isumaɛl bolo ka u labɔ Gabaon ka na ni u ye.
[17] U taaraɲɛ ka jigin Kimham dunan jigin yɔrɔ la, o bɛ Bɛtilɛhɛm da fɛ. U bolitɔ tun don Kaldekaw ɲɛ ka taa Misira.
[18] K'a masɔrɔ Babilonɛ masakɛ tun ye Gedaliya min sigi ka kɛ jamana kuntigi ye, Isumaɛl ye o faga minkɛ, u tun bɛ siran Kaldekaw ɲɛ.