[1] Matigi ko: «Saga gɛnna minw bɛ ne ka sagakulu halaki ka u jɛnsɛn, bɔnɛ bɛ olu ye.»
[2] Saga gɛnna minw bɛ Matigi Israɛl ka Ala ka mɔgɔw balo, a b'a fɔ olu ko la ko: «Aw ye ne ka sagaw gɛn ka u jɛnsɛn. Aw ma aw janto u la. O de kosɔn ne na aw sara aw ka tilenbaliya kosɔn.» Matigi ko ten.
[3] «Ne ye ne ka saga minw jɛnsɛn jamanaw kɔnɔ, ne na u tɔ tolenw lajɛ yɔrɔ kelen na. Ne na taa ni ne ka sagaw ye u gɛn yɔrɔw la, u na jiidi ka caya.»
[4] Matigi ko: «Ne na saga gɛnnaw bila u kun na. U tɛna siran, u ja tɛna tigɛ, hali kelen tɛna u jɛ.»
[5] Matigi ko: «Don bɛ na, ne na Dawuda bɔnsɔn dɔ lawuli. O na tiɲɛ ni tilennenya sira taama. O ka masaya na jiidi. A na taama hakilitigiya la. A na tiɲɛ ni ko tilennenw kɛ jamana kɔnɔ.
[6] Juda bɔnsɔn na kisi. Israɛl na sigi hɛrɛ la a ka masaya waati la. A na wele ko: ‹Matigi, an ka tilennenya.›»
[7] Matigi ko: «O de kosɔn, don bɛ na, a tɛna fɔ tun ko: ‹Matigi min ye Israɛl labɔ Misira jamana la, ko o ɲɛnama don,›
[8] nka a n'a fɔ ko: ‹Matigi ɲɛnama don, o min ye Israɛl bɔnsɔn labɔ saheli yanfan ni jamana tɔw la, a tun ye u jɛnsɛn ka taa olu minw na, a ye u lasegin ka bɔ o taa yɔrɔw la ka u lasigi u ka jamana kɔnɔ ko kura.›»
[9] Ne, Jeremi dusu kasilen bɛ kiraw ko la haali, ne kolow bɛɛ bɛ yɛrɛyɛrɛ. Ne kɛra i ko mɔgɔ min falen bɛ dɔlɔ la, i ko mɔgɔ min ɲɛnaminilen bɛ dɔlɔ fɛ, Matigi ni a ka kuma senuma kosɔn.
[10] Jamana fara jatɔyakɛlaw la, jamana bɛ kasi danga kosɔn. Kungo kɔnɔ bagan gɛn yɔrɔw bin bɛɛ jara. U bɛ boli ko jugu nɔ fɛ, u bɛ fanga digi mɔgɔ la ni tilenbaliya ye.
[11] «Kiraw ni sarakalasebaaw bɛɛ nɔgɔra, ne ye u ka juguya ye fo ne batosoba kɔnɔ.
[12] O de kosɔn u ka siraw na kɛ cɛɛnɛ ye dibi la. U naɲɔni ka bi, k'a masɔrɔ ni u sara tuma sera, ne na bɔnɛ lase u ma.» Matigi ko ten.
[13] Ne ye hakilintanya ye Samari kiraw la, u bɛ kiraya kɛ Baal tɔgɔ la, ka ne ka mɔgɔw Israɛl bɔnsɔn lafili.
[14] Nka ne ye Jerusalɛm kiraw ka tilenbaliya ko dama tɛmɛnnenw ye, u bɛ jatɔya kɛ ka nkalon tigɛ tuma bɛɛ. U bɛ mɔgɔ juguw ja gɛlɛya walisa olu si kana ko jugu dabila. U bɛɛ kɛra i ko Sodɔmɛkaw, Jerusalɛmkaw kɛra ne ɲɛ kɔrɔ i ko Gomɔrɛkaw.
[15] O de kosɔn Kɛlɛbolow Matigi y'a fɔ Jerusalɛm kiraw ko la, ko: «Ne na tale dili di u ma ka u lafa ni bagaji ye, sabu Alaɲɛsiranbaliya jɛnsɛnna ka se jamana bɛɛ la Jerusalɛm kiraw fɛ.»
[16] Kɛlɛbolow Matigi ko: «Kira minw bɛ kiraya kɛ, aw kana olu lamɛn. U bɛ ko fufafuw fɔ, k'a masɔrɔ u bɛ kuma minw fɔ, olu ma bɔ Matigi la, nka o kumaw bɛ bɔ u yɛrɛw dusukun na.
[17] Minw bɛ ne dɔgɔya, u b'a fɔ olu ye tuma bɛɛ ko: ‹Matigi ko aw na hɛrɛ sɔrɔ.› Minw bɛ u kunkolo gɛlɛya ka tugu u yɛrɛw hakili la miiriliw la, u b'a fɔ olu ye ko: ‹Tɔɔrɔ si tɛna aw sɔrɔ.›»
[18] Ayiwa jɔni donna Matigi ka latigɛ yɔrɔ la, walisa k'a ye k'a ka kuma lamɛn? Jɔni y'i tulo majɔ a ka kuma la k'a faamu?
[19] Matigi ka dimiya bɔra i ko sanfiɲɛba. A na kɛ i ko fununfununba ka bi mɔgɔ juguw kunkolo kan.
[20] Matigi ka dimiya tɛna mada, sani a ka a sagona kow bɛɛ kɛ ka ban. Aw na o bɛɛ faamu laban donw na.
[21] Ne ma o kiraw ci, nka u bolila ka taa. Ne ma kuma u fɛ, nka u ye kiraya kɛ.
[22] Ni u tun ye ne ka laadili kuma lamɛn, u tun na ne ka kuma fɔ ne ka mɔgɔw ye ka u yɛlɛma ka bɔ u ka sira jugu ani u ka kɛwale juguw la.
[23] Matigi ko: «Ala min yɔrɔ ka surun, o ye ne ye. Ala min yɔrɔ ka jan, o fana tɛ ne ye wa?
[24] Mɔgɔ dɔ bɛ se ka i dogo yɔrɔ dɔ la ni ne tɛ a ye wa? Yala ne tɛ sankolo ni dugukolo fa wa?» Matigi ko ten.
[25] «Kira nkalontigɛla minw bɛ kiraya kɛ ne tɔgɔ la, ni u pɛrɛnna ko: ‹Ne sugora, ɔwɔ, ne sugora,› ne ye olu ka kuma mɛn.
[26] Nin kira nkalontigɛlaw na to ka ne ka mɔgɔw lafili ni u ka nkalonw ye tuma bɛɛ wa?
[27] U bɛ u ka sugow lakali u sigiɲɔgɔnw ye ka u yɛrɛw bonya o kow la. A bɛ u kɔnɔ ko u na ne tɔgɔ bɔ ne ka mɔgɔw kɔnɔ ten i ko Baal ko ye ne tɔgɔ bɔ u bɛnbaw kɔnɔ cogo min na.
[28] Ni kira min sugora, o ka a ka sugo lakali. Ni min ye ne ka kuma lamɛn, o ka ne ka kuma fɔ ka tilen.» Matigi ko: «Nwɛɲɛɲaamilenɲɔkisɛw la, o bɛ munɲɛ?
[29] Ne ka kuma tɛ i ko tasuma wa? A tɛ i ko marito min bɛ fara ci wa?» Matigi ko ten.
[30] O de kosɔn Matigi ko: «Kira minw bɛ ne ka kuma sonyaɲɔgɔn bolo ka o lakali ko: ‹Matigi ko ten,› ne yɛrɛ bɛ olu kɛlɛ.
[31] Tiɲɛ la, kira minw bɛ u yɛrɛw ka kuma fɔ ko, ‹Matigi ko ten,› ne yɛrɛ bɛ olu kɛlɛ.»
[32] Matigi ko: «Tiɲɛ la, minw bɛ kiraya kɛ ni sugo nkalonmaw ye, ka ne ka mɔgɔw lafili ni u ka nkalonw ni u ka yɛrɛ bonyali kumaw ye, k'a sɔrɔ ne ma u ci, ne ma ci si di u ma, ne yɛrɛ bɛ olu kɛlɛ. Olu tɛ foyiɲɛ ne ka mɔgɔw ye.» Matigi ko ten.
[33] «Ni mɔgɔ dɔ wala kira dɔ wala sarakalasebaa dɔ ye i ɲininka ko: ‹Matigi ka kiraya kuma ye jumɛn ye?› i ka nin kiraya kuma fɔ u ye ko, Matigi ko: ‹Ne na u bila.›
[34] Ni kira dɔ wala sarakalasebaa dɔ wala jama la mɔgɔ dɔ y'a fɔ ko: ‹Matigi ka kiraya kuma filɛ nin ye,› ne na o tigi ni a ka soɲankata.
[35] Mɔgɔ na u sigiɲɔgɔn ni u balimaw ɲininka cogo min na, o filɛ nin ye, ko: ‹Matigi bɛ aw jaabi cogo di? Matigi ye mun fɔ?›
[36] O tuma la aw kana kuma Matigi ka kiraya kuma la tun, sabu o kuma na aw yɛrɛw jalaki, katuguni aw bɛ Ala ɲɛnama, Kɛlɛbolow Matigi, an ka Ala ka kuma yɛlɛma.
[37] I ka o kira ɲininka ko: ‹Matigi ye i jaabi cogo di? Matigi ye mun fɔ?›
[38] Nka ni aw kumana Matigi ka kiraya kuma ko la tun, o tuma la Matigi bɛ min fɔ, o filɛ nin ye: ‹K'a to aw bɛ kuma Matigi ka kiraya ko la tun, k'a sɔrɔ ne y'a fɔ aw ye ko aw kana kuma a ko la tun.›
[39] O de kosɔn ne naɲinɛ aw kɔ kudayi. Ne na aw ni nin dugu fili yɔrɔ jan ka bɔ ne ɲɛ kɔrɔ, ne ye o min di aw ma, ne tun ye o di aw bɛnbaw ma aw ɲɛ.
[40] Ne na aw datugu ni maloya banbali ye. Mɔgɔ si tɛnaɲinɛ o kɔ.»