[1] Juda bɔnsɔn ka masakɛ Jojakim, Josiasi denkɛ, a ka masaya san naaninan la, kira Jeremi ye kuma min fɔ Nerija denkɛ Baruk ye, Baruk ye o bɛɛ sɛbɛn sɛbɛn melekelen kɔnɔ. O kɔ, Jeremi y'a fɔ Baruk ye ko:
[2] «Ayiwa, Matigi Israɛl ka Ala y'a fɔ e, Baruk ko la, ko
[3] i b'a fɔ ko bɔnɛ bɛ i ye, k'a masɔrɔ Matigi ye dɔ fara i kaɲɛnasisi kan ni tɔɔrɔ ye. Ko i sɛgɛnna nwunan fɛ, i ma lafiya si sɔrɔ.
[4] «Ayiwa Baruk, Matigi ko: ‹A filɛ, ne ye min jɔ, ne na o bi. Ne ye min turu, ne na o bɔ ka bɔ jamana yɔrɔw bɛɛ la.
[5] I bɛ hɛrɛ ni lafiya ɲini i yɛrɛ ye wa? I kana olu ɲini, sabu ne na bɔnɛ bi dafɛnw bɛɛ kan. Nka ne na i ɲɛnama to ka o kɛ i niyɔrɔ ye i taa yɔrɔw bɛɛ la.› Matigi ko ten.»