[1] Chhai Âi-khi̍p-vòng kûng-tá Kâ-sat yî-chhièn, Song-chú tui siên-tî Yâ-li-mí kóng-hí yû-koân Fî-li-sṳ ke sṳ.
[2] Song-chú kóng: Khon â, hò-pa súi voi tui pet-fông chong hí-lòi, chho-sṳ̀n súi-châi. Thai-súi voi chim-thet chhiòn-thi lâu khì-chûng só-yû ke, thûn-thet sàng-sṳ lâu sàng-tú ke ngìn-mìn. Ngìn voi thai-sâng hêm kiu-miang; só-yû ke ngìn-mìn voi thai-kieu.
[3] Kì-têu voi thâng-tó chan-mâ pêu ke sâng, chan-chhâ lung-lung-kún, chhâ-lin-é lu̍k-lu̍k-kún ke sâng! Cho â-pâ ke sûng-sú sôn-ngiôn mò-li̍t, mò phan-fap khon-ku chhṳ-kâ ke chṳ́-ńg.
[4] Fí-me̍t yit-chhiet Fî-li-sṳ-ngìn ke ngit-è to lé; thèu-pái pông-chhu Thai-ngì, Sî-tun ke ngìn, oi sêu-me̍t kì-têu ke sṳ̀-kiên to lé. Ngài — Song-chú oi sêu-me̍t Fî-li-sṳ-ngìn, sêu-me̍t tui Khiet-lî-thi̍t-tó hói-sùn lòi ke chhûn-tó ke ngìn.
[5] Kâ-sat-ngìn thi-kông-thèu péu-sṳ pî-sông. Â-sṳ̍t-kî-lùn tiâm-tiâm chhiong sí-sàng yit-yong. Phìn-ngièn chhûn-tó ke Fî-li-sṳ-ngìn â, hàn-oi kot-sông chhṳ-kâ pî-sông kí-kiú nè?
[6] Ngì-têu hêm kóng: “Song-chú ke tô-kiam â, ngì oi chhṳ̀ kí-kiú chang thìn nè? Sû-kiam ngi̍p tô-seu, pûn kì hiet-khun â!”
[7] Chúng-he, Ngài ham kì kûng-kit, kì ngióng cho-tet thìn nè? Ngài min-lin kì kûng-kit Â-sṳ̍t-kî-lùn, chhṳ̀-thet hói-sùn ke ngìn-mìn.