[1] Yok-sî-â ke lai-é Yok-ngâ-kin cho Yù-thai-vòng ke sṳ̀, Song-chú tui Yâ-li-mí kóng:
[2] “Ngì hi Li-kap chhu̍k-ngìn ke-vi, chhiáng kì-têu ko-lòi, pin tai kì-têu to sṳn-thien ke yit-chak fòng-kiên tú, pûn kì-têu chiú lîm.”
[3] Só-yî ngài chiông Li-kap chhiòn-chhu̍k ke ngìn — Ha̍p-pâ-sé-nì-ngâ ke sûn-é, Ngâ-li-mí-ngâ ke lai-é Ngâ-sat-nì-â lâu kì só-yû ke hiûng-thi lâu lai-é,
[4] chhiòn-phu tai-ngi̍p Song-chú ke sṳn-thien. Ngài thu kì-têu to Yî-kî-thai-li ke lai-é sṳ̀n-ngìn Ha̍p-nàn ke-têu lai-é ke fòng-kiên tú hi. Ke-chak fòng-kiên he chhai Sâ-liùng ke lai-é — chóng-mùn ke Mâ-sî-ngâ ke fòng-kiên táng-kô, chhai khì-thâ kôn-yèn fòng-kiên ke phòng-piên.
[5] Yèn-heu ngài chiông chiú-pî lâu chông-mân chiú ke chiú-fù piong chhai Li-kap chhu̍k-ngìn mien-chhièn, tui kì-têu kóng: “Chhiáng lîm-chiú!”
[6] Chúng-he kì-têu kóng: “Ngài-têu m̀ lîm-chiú. Ngài-têu ke chú-siên Li-kap ke lai-é Yok-nâ-tha̍t min-lin ngài-têu lâu ngài-têu ke heu-thoi yún-yén cho-m̀-tet lîm-chiú,
[7] cho-m̀-tet hí-vuk, cho-m̀-tet ve-chúng, ya cho-m̀-tet chung phù-thò. Kì min-lin ngài-têu yit-sên-ngìn he̍t chong-phùng, sṳ́ ngài-têu chhai liá chhiam-he̍t ke só-chhai he̍t-to ngièn-chhòng ngie̍t-kiú.
[8] Ngài-têu chûn-sú chú-siên Li-kap ke lai-é Yok-nâ-tha̍t pûn ngài-têu só-yû ke chṳ́-sṳ, yit-sên-ngìn m̀-sṳt lîm-ko chiú; ngài-têu ke pû-ngiòng chṳ́-ńg ya mò lîm-ko chiú.
[9] Ngài-têu mò hí-vuk lòi-he̍t, mò phù-thò-yèn lâu thièn-thi, ya mò ve-chúng.
[10] Ngài-têu fu̍k-chhiùng chú-siên Yok-nâ-tha̍t ke min-lin, chûn-sú kì só-yû ke chṳ́-sṳ, yit-chhṳ̍t he̍t chong-phùng.
[11] Chúng-he, Pâ-pí-lùn-vòng Nì-pu-kap-nì-sat kûng-tá liá thi-fông ke sṳ̀, ngài-têu kiet-thin to Yâ-lu-sat-lâng hi, hó sám-khôi Pâ-pí-lùn lâu Si-li-â ke kiûn-chhui. Án-ngiòng, ngài-têu chang voi he̍t chhai Yâ-lu-sat-lâng.”
[12] Chiap-tén, Song-chú — Van-kiûn ke Ngièn-soi, Yî-set-lie̍t ke Song-ti ham Yâ-li-mí hi lâu Yù-thai pin Yâ-lu-sat-lâng ngìn-mìn kóng: “Ngài — Song-chú mun ngì-têu, ngì-têu cho-má-ke m̀ su kón-kau, m̀ fu̍k-chhiùng Ngài ke fa nè?
[14] Li-kap ke lai-é Yok-nâ-tha̍t ke chṳ́-sûn yit-chhṳ̍t chûn-sú Yok-nâ-tha̍t ke min-lin, to kîm-pû-ngit mò-ngìn lîm-ko chiú. Chúng-he Ngài chó chhiu phai Ngài ke phu̍k-ngìn — ke-têu siên-tî yit-pái yu yit-pái lâu ngì-têu kóng, khien ngì-têu lì-khôi chhui-ok ke sên-fa̍t, cho chṳn-chhṳ̍t ke sṳ. Kì-têu kín-ko ngì-têu cho-m̀-tet kin-pai fu̍k-sṳ phe̍t ke sṳ̀n-mìn, hó pûn ngì-têu ki-siu̍k he̍t chhai Ngài su-pûn ngì-têu lâu ngì-têu chú-siên ke thú-thi. Chúng-he ngì-têu m̀-tap Ngài, yit-chhṳ̍t m̀ thâng-chhiùng Ngài.
[16] Li-kap ke lai-é Yok-nâ-tha̍t ke chṳ́-sûn chûn-sú kì-têu chú-siên ke min-lin, chúng-he ngì liá-têu ngìn-mìn m̀ thâng-chhiùng Ngài.
[17] Só-yî, Ngài — Song-chú, Van-kiûn ke Ngièn-soi, Yî-set-lie̍t ke Song-ti oi cheu Ngài só-kóng ke, kong thai châi-nan chhai Yù-thai lâu Yâ-lu-sat-lâng ke ngìn-mìn sṳ̂n-song. Yîn-vi Ngài tui ngì-têu kóng-fa, chúng-he ngì-têu m̀-thâng; Ngài hêm ngì-têu, chúng-he ngì-têu m̀-tap Ngài.”
[18] Heu-lòi, Yâ-li-mí lâu Li-kap chhu̍k-ngìn kóng: “Song-chú — Van-kiûn ke Ngièn-soi, Yî-set-lie̍t ke Song-ti án-ngiòng kóng: Ngì-têu thâng-chhiùng chú-siên Yok-nâ-tha̍t ke min-lin, chûn-sú kì só-yû ke chṳ́-sṳ, sṳ̍t-hàng kì yit-chhiet ke fa.
[19] Só-yî, Ngài — Song-chú, Van-kiûn ke Ngièn-soi, Yî-set-lie̍t ke Song-ti án-ngiòng yin-hí: Li-kap ke lai-é Yok-nâ-tha̍t ke kâ-chhu̍k yún-yén voi yû ngìn sṳ-fung Ngài.”