[1] Nin ye Hadama bɔnsɔn sɛbɛn ye. Ala ye mɔgɔ da don min na, a ye a da Ala bisigi la.
[2] A ye u da cɛ ni muso. U dara don min na, a dubara u ye ka u tɔgɔ da ko Mɔgɔ.
[3] Hadama ye san kɛmɛ ni san bisaba sɔrɔ, a ye denkɛ bange a yɛrɛ bisigi la ka kɛɲɛ ni a yɛrɛ ja ye. A ye o tɔgɔ da ko Sɛti.
[4] Sɛti bangelen kɔ, Hadama ye san kɛmɛ segin sɔrɔ ka denkɛw ni denmusow bange.
[5] Hadama si tilew bɛɛ kɛra san kɛmɛ kɔnɔntɔn ni san bisaba ye. O kɔ, a sara.
[6] Sɛti ye san kɛmɛ ni duuru sɔrɔ, a ye Enɔs bange.
[7] Enɔs bangelen kɔ, Sɛti ye san kɛmɛ segin ni san wolonwula sɔrɔ ka denkɛw ni denmusow bange.
[8] Sɛti si tilew bɛɛ kɛra san kɛmɛ kɔnɔntɔn ni san tan ni fila ye. O kɔ, a sara.
[9] Enɔs ye san bikɔnɔntɔn sɔrɔ, a ye Kenan bange.
[10] Kenan bangelen kɔ, Enɔs ye san kɛmɛ segin ani san tan ni duuru sɔrɔ ka denkɛw ni denmusow bange.
[11] Enɔs si tilew bɛɛ kɛra san kɛmɛ kɔnɔntɔn ni san duuru ye. O kɔ, a sara.
[12] Kenan ye san biwolonwula sɔrɔ, a ye Mahalaleɛl bange.
[13] Mahalaleɛl bangelen kɔ, Kenan ye san kɛmɛ segin ni san binaani sɔrɔ ka denkɛw ni denmusow bange.
[14] Kenan si tilew bɛɛ kɛra san kɛmɛ kɔnɔntɔn ni san tan ye. O kɔ, a sara.
[15] Mahalaleɛl ye san biwɔɔrɔ ni duuru sɔrɔ, a ye Jerɛd bange.
[16] Jerɛd bangelen kɔ, Mahalaleɛl ye san kɛmɛ segin ni bisaba sɔrɔ ka denkɛw ni denmusow bange.
[17] Mahalaleɛl si tilew bɛɛ kɛra san kɛmɛ segin ani san bikɔnɔntɔn ni duuru ye. O kɔ, a sara.
[18] Jerɛd ye san kɛmɛ ni san biwɔɔrɔ ni fila sɔrɔ, a ye Henɔk bange.
[19] Henɔk bangelen kɔ, Jerɛd ye san kɛmɛ segin sɔrɔ ka denkɛw ni denmusow bange.
[20] Jerɛd si tilew bɛɛ kɛra san kɛmɛ kɔnɔntɔn ani san biwɔɔrɔ ni fila ye. O kɔ, a sara.
[21] Henɔk ye san biwɔɔrɔ ni duuru sɔrɔ, a ye Metusela bange.
[22] Metusela bangelen kɔ, Henɔk taamana Ala fɛ san kɛmɛ saba kɔnɔ ka denkɛw ni denmusow bange.
[23] Henɔk si tilew bɛɛ kɛra san kɛmɛ saba ani san biwɔɔrɔ ni duuru ye.
[24] Henɔk taamana Ala fɛ, a ma ye tun, katuguni Ala y'a ta.
[25] Metusela ye san kɛmɛ ani san bisegin ni wolonwula sɔrɔ, a ye Lemɛk bange.
[26] Lemɛk bangelen kɔ, Metusela ye san kɛmɛ wolonwula ani san bisegin ni fila sɔrɔ ka denkɛw ni denmusow bange.
[27] Metusela si tilew bɛɛ kɛra san kɛmɛ kɔnɔntɔn ani san biwɔɔrɔ ni kɔnɔntɔn ye. O kɔ, a sara.
[28] Lemɛk ye san kɛmɛ ani san bisegin ni fila sɔrɔ, a ye denkɛ bange.
[29] A ye o tɔgɔ da ko Nuhun, a ko: «Nin na an dusu saalo an ka sɛgɛn kow ni an ka ciya bɛɛ la, o min bɔra Matigi ka dugukolo dangali la.»
[30] Nuhun bangelen kɔ, Lemɛk ye san kɛmɛ duuru ani san bikɔnɔntɔn ni duuru sɔrɔ ka denkɛw ni denmusow bange.
[31] Lemɛk si tilew bɛɛ kɛra san kɛmɛ wolonwula ani san biwolonwula ni wolonwula ye. O kɔ, a sara.
[32] Nuhun ye san kɛmɛ duuru sɔrɔ. Nuhun ye Sɛm ni Kam ani Jafɛt bange.