[1] Nin ye Nuhun denkɛw bɔnsɔnw ye, Sɛm ni Kam ani Jafɛt bɔnsɔnw. U ye denkɛw sɔrɔ ji belebeleba tɛmɛnnen kɔ.
[2] Jafɛt denkɛw filɛ ninw ye: Gomɛr ni Magog ni Madai ani Javan, ni Tubal ni Mɛsak ani Tiras.
[3] Gomɛr denkɛw: Askɛnaz ni Rufat ani Togarma.
[4] Javan denkɛw: Elisa ni Tarsisi ni Kitim ani Dodanim.
[5] Olu bɔnsɔnw jɛnsɛnna ka taa siyaw ka kɔgɔji dala jamanaw la, u bɛɛ kelen-kelen ka kɛɲɛ ni u kumakanw ni u ka gwaw ye u siyaw la.
[6] Kam denkɛw filɛ ninw ye: Kus ni Mizraim ni Put ani Kanan.
[7] Kus denkɛw: Saba ni Havila ni Sabita ni Raema ani Sabiteka. Raema denkɛw: Seba ni Dedan.
[8] Kus ye Nimrɔd bange, o de ye fangatigiya daminɛ dugukolo kan.
[9] A kɛra donsokɛ farinma ye Matigi ɲɛ kɔrɔ. O de y'a to a bɛ fɔ ko: «I ko Nimrɔd min kɛra donsokɛ farinma ye Matigi ɲɛ kɔrɔ.»
[10] A ka masaya daminɛna Babɛl ni Erɛk ni Akad ani Kalne Sinear jamana la.
[11] Ale bɔra o jamana la ka Ninivɛ ni Rehɔbɔt-Hir ni Kalak sigi,
[12] ani Resɛn, Ninivɛ ni Kalak cɛ, o de ye duguba ye.
[13] Mizraim ye Ludkaw ani Anamim siya ni Lehabim siya ni Naftuhim siya bange.
[14] A ye Patruskaw ni Kasluhim siya ani Kafitɔrkaw fana bange. Filisitikaw bɔra Kasluhim siya la.
[15] Kanan ye a dɛnkɛ fɔlɔ Sidɔn bange ani Hɛti.
[16] A ye Jebuskaw ni Amɔr siya ni Girgas siya
[17] ani Hev siya ni Arkakaw ni Sini siya
[18] ani Arvadkaw ni Zemarkaw ani Hamatkaw fana bange. O kɔ, Kanankaw ka gwaw jɛnsɛnna.
[19] Kanankaw ka jamana dan yɔrɔ bɔra Sidɔn ka taa Gerar yanfan fɛ fo ka taa bila Gaza, ka taa Sodɔmɛ ni Gomɔrɛ ani Adima ni Zeboim yanfan fɛ fo ka taa bila Lesa.
[20] Olu ye Kam bɔnsɔn ye ka kɛɲɛ ni u ka gwaw ni u kumakanw ye u ka jamanaw ni u siyaw la.
[21] Jafɛt kɔrɔkɛ Sɛm fana ye denw sɔrɔ. Hebɛr bɔnsɔn bɛɛ bɔra a la.
[22] Sɛm denkɛw filɛ ninw ye: Elam ni Asur ni Arpakisad ni Lud ani Aram.
[23] Aram denkɛw: Uz ni Hul ni Getɛr ani Mas.
[24] Arpakisad ye Selak bange. Selak ye Hebɛr bange.
[25] Hebɛr ye denkɛ fila bange. Kelen tɔgɔ ko Pelɛg, katuguni dugukolo tilara a tilew la. A balimakɛ tɔgɔ ko Joktan.
[26] Joktan ye Almodad bange. A ye Selɛf ni Hazarmavɛt ni Jerak
[27] ani Hadoram ni Uzal ni Dikila
[28] ani Obal ni Abimaɛl ni Seba
[29] ni Ofir ni Havila ani Jobab fana bange. Olu bɛɛ tun ye Joktan denkɛw ye.
[30] U sigi yɔrɔ dan bɔra Mesa fo ka taa se Sefar yanfan fɛ, o ye kɔrɔn fɛ kulu ye.
[31] Olu ye Sɛm bɔnsɔn ye ka kɛɲɛ ni u ka gwaw ni u kumakanw ye u ka jamanaw ni u siyaw la.
[32] Olu ye Nuhun denkɛw ka gwaw ye ka kɛɲɛ ni u bɔnsɔnw ni u siyaw ye. Siyaw bɔra olu la ka jɛnsɛn dugukolo kan, ji belebeleba tɛmɛnnen kɔ.