[1] Hadama ye a muso Hawa dɔn. O ye kɔnɔ ta ka Kaɛn bange. A ko: «Ne ye cɛ sɔrɔ Matigi barika la.»
[2] O kɔ, a ye Kaɛn dɔgɔkɛ Abɛl bange. Abɛl tun ye saga gɛnna ye, Kaɛn tun ye sɛnɛkɛla ye.
[3] Waati dɔ tɛmɛnnen kɔ, Kaɛn ye saraka bɔ Matigi ye ni a ka sɛnɛ fɛn dɔ ye.
[4] Abɛl fana ye saraka bɔ ni a ka saga fɔlɔ wololen dɔw ni u kɛn ye. Matigi sɔnna Abɛl ni a ka saraka la,
[5] nka a ma sɔn Kaɛn ni a ka saraka la. Kaɛn diminna kosɛbɛ, a ɲɛ kumuna.
[6] Matigi y'a fɔ Kaɛn ye ko: «Mun y'a to i diminna, mun y'a to i ɲɛ kumuna?
[7] Ni i bɛ ko ɲuman kɛ, sɔn tɛna kɛ i la wa? Ni i tɛ ko ɲuman kɛ, jurumu dalen bɛ da la. A na kɛ i fɛ, e kɔni ka kɛ a kun na.»
[8] Kaɛn kumana a dɔgɔkɛ Abɛl fɛ. Ayiwa ka u to kungo la, Kaɛn wulila a dɔgɔkɛ Abɛl kama ka a faga.
[9] Matigi y'a fɔ Kaɛn ye ko: «I dɔgɔkɛ Abɛl bɛ min?» Kaɛn y'a jaabi ko: «Ne m'a dɔn. Ne ye ne dɔgɔkɛ kɔlɔsibaa ye wa?»
[10] Ala ko: «I ye mun kɛ? Ka i dɔgɔkɛ joli to duguma, a pɛrɛnkan bɛ se ne ma.
[11] Dugukolo min ye a dayɛlɛ ka i dɔgɔkɛ joli min, i dangalen bɛ ka bɔ o la.
[12] Ni i bɛ dugukolo sɛnɛ tuma min na, a tɛna a nafa di i ma tun. I na kɛ bolibaatɔ ni fagobaatɔ ye dugukolo kan.»
[13] Kaɛn y'a fɔ Matigi ye ko: «Ne ka jalaki tɔɔrɔ ka bon, ne tɛ se ka o muɲu.
[14] A filɛ, i ye ne gɛn nin yɔrɔ dugukolo la bi, ne na dogo ka bɔ i ɲɛ kɔrɔ fana. Ne na kɛ bolibaatɔ ni fagobaatɔ ye dugukolo kan. A n'a sɔrɔ ni mɔgɔ o mɔgɔ ye ne ye, o na ne faga.»
[15] Matigi y'a fɔ a ye ko: «Ni mɔgɔ o mɔgɔ ye Kaɛn faga, a hakɛ na sara o mɔgɔ la siɲɛ wolonwula.» Matigi ye taamashyɛn da Kaɛn kan, walisa ni mɔgɔ o mɔgɔ y'a ye, o si kana a faga.
[16] O kɔ, Kaɛn taara ka bɔ Matigi ɲɛ kɔrɔ ka taa sigi Nod jamana la Edɛn kɔrɔn yanfan fɛ.
[17] Kaɛn ye a muso dɔn, o ye kɔnɔ ta ka Henɔk bange. Kaɛn ye dugu sigi ka a tɔgɔ da ko Henɔk, a denkɛ tɔgɔ la.
[18] Henɔk ye Irad bange. Irad ye Mɛhujaɛl bange. Mɛhujaɛl ye Mɛtusaɛl bange. Mɛtusaɛl ye Lemɛk bange.
[19] Lemɛk ye muso fila furu, kelen tɔgɔ ko Ada, dɔ tɔgɔ ko Zila.
[20] Ada ye Jabal bange. Mɔgɔ minw bɛ sigi finisow kɔnɔ ka baganw mara, Jabal tun ye olu bɛɛ fa ye.
[21] A dɔgɔkɛ tɔgɔ ko Jubal. O tun ye nkɔni fɔlaw ni buru fyɛlaw bɛɛ fa ye.
[22] Zila fana ye Tubal-Kaɛn bange, o tun ye nsiranɛgɛ ni nɛgɛ minan sifaw bɛɛ dilabaa ye. Tubal-Kaɛn dɔgɔmuso tɔgɔ ko Nama.
[23] Lemɛk y'a fɔ a musow ye ko: «Ada ni Zila, aw ka aw tulo majɔ ne kan na. Lemɛk musow, aw ka ne ka kuma lamɛn. Ne ye cɛ faga ne joginda kosɔn, ne ye kamalen faga ne bugɔli kosɔn.
[24] Ni Kaɛn fagali hakɛ bɛ sara siɲɛ wolonwula, Lemɛk ta bɛ sara siɲɛ biwolonwula ni wolonwula koyi.»
[25] Hadama ye a muso dɔn ko kura. O ye denkɛ bange, a ye o tɔgɔ da ko Sɛti. A ko: «Ala ye bɔnsɔn di ne ma Abɛl nɔ na, katuguni Kaɛn y'a faga.»
[26] Sɛti fana ye denkɛ sɔrɔ, a ye o tɔgɔ da ko Enɔs. O tuma la mɔgɔw ye Matigi batoli daminɛ.