[1] Ayiwa Isaka kɔrɔla, a ɲɛw lafinna fo ka fiyen. A y'a denkɛ fɔlɔ Esau wele k'a fɔ a ye ko: «Ne denkɛ.» O y'a jaabi ko: «Naamu.»
[2] Isaka ko: «A filɛ, ne kɔrɔla, ne tɛ ne sa don dɔn.
[3] Sisan i ka i ka donsoya minanw ta, i ka ton ni i ka kala kɔni, ka taa kungo la ka sogo ɲini ne ye.
[4] Sogo timima min ka di ne ye, i ka o tobi ka na n'a ye, ne k'a dun, walisa ne dusu ka dubaw kɛ i ye sani ne ka sa.»
[5] Isaka ye min fɔ a denkɛ Esau ye, Rebɛka y'o mɛn. Esau taara kungo la, ko a bɛ sogo ɲini ka na n'a ye.
[6] O kɔ, Rebɛka y'a fɔ a denkɛ Yakuba ye ko: «A filɛ, ne ye i fa ka kuma mɛn i kɔrɔkɛ Esau ye,
[7] ko i kɔrɔkɛ ka sogo dɔ ɲini, ka sogo timima tobi a ye, a ka o dun, ko a na dubaw kɛ i kɔrɔkɛ ye Matigi ɲɛ kɔrɔ sani a ka sa.
[8] Sisan ne denkɛ, i ka ne kan minɛ. Ne bɛna min fɔ i ye, i ka o kɛ.
[9] Taa bagan misɛn kulu la ka baden ɲuman fila minɛ ka na n'u ye. Sogo timima min ka di i fa ye, ne na o dila.
[10] I ka taa n'a ye k'a di i fa ma, a ka o dun, walisa a ka dubaw kɛ i ye sani a ka sa.»
[11] Yakuba y'a fɔ a ba Rebɛka ye ko: «A filɛ, ne kɔrɔkɛ Esau ye mɔgɔ sima ye, si dun tɛ ne fari la.
[12] A dɔrɔ ne fa na ne mɔmɔ, ne na kɛ mɔgɔ lafilibaa ye a ɲɛ na, ne na danga sɔrɔ duba nɔ na.»
[13] A ba y'a fɔ a ye ko: «Ne denkɛ, o danga ka bi ne kan. I ka ne kan minɛ dama, ka taa u minɛ.»
[14] Yakuba taara u minɛ ka na n'u ye a ba yɔrɔ. Sogo timima min ka di a fa ye, a ba ye o tobi.
[15] O kɔ, Esau ka fini ɲuman minw tun bɛ Rebɛka fɛ so kɔnɔ, a ye olu ta ka u don a denkɛ filanan Yakuba kan na.
[16] A ye baden wolo don Yakuba bolow ni a kan sintan yɔrɔw la.
[17] A tun ye sogo timima ni buuru min dila, a ye olu don a denkɛ Yakuba bolo.
[18] Yakuba taara a fa yɔrɔ k'a fɔ a ye ko: «Ne fa.» Isaka ko: «Naamu. I ye jɔn ye, ne denkɛ?»
[19] Yakuba y'a fa jaabi ko: «Ne ye i denkɛ fɔlɔ Esau ye. I ye min fɔ ne ye, ne ye o kɛ. Ne b'i deli, i ka wuli k'i sigi ka ne ka sogo dun, walisa i ka dubaw kɛ ne ye.»
[20] Isaka y'a fɔ a denkɛ ye ko: «I y'o sɔrɔ kelen cogo di, ne denkɛ?» Yakuba y'a jaabi ko: «Katuguni Matigi, i ka Ala ye ne dɛmɛ.»
[21] Isaka y'a fɔ Yakuba ye ko: «I ka gɛrɛ ne la, ne denkɛ, ne ka i mɔmɔ k'a filɛ yala ni i ye ne denkɛ Esau yɛrɛ de ye.»
[22] Yakuba gɛrɛla a fa Isaka la, o y'a mɔmɔ, a ko: «Yakuba kan don, nka bolow ye Esau bolow ye.»
[23] A m'a dɔn, sabu a bolow sima tun don, i ko a balimakɛ Esau bolow. A ye dubaw kɛ a ye.
[24] A ko: «I ye ne denkɛ Esau yɛrɛ tigitigi ye wa?» Yakuba ko: «Ne y'o ye.»
[25] Isaka ko: «I ka dumuni sigi ne kɔrɔ, ne ka ne denkɛ ka sogo dun, walisa ne dusu ka dubaw kɛ i ye.» Yakuba ye dumuni sigi a kɔrɔ, a ye dumuni kɛ. A nana ni diwɛn fana ye, a y'o min.
[26] O kɔ, a fa Isaka y'a fɔ a ye ko: «Ne denkɛ, i ka i madon ne la ka ne da susu.»
[27] Yakuba gɛrɛla a la ka a da susu. A fa Isaka y'a ka finiw suma mɛn, a ye dubaw kɛ a ye, ko: «A filɛ, Matigi dubara sɛnɛ kɛ yɔrɔ min ye, o suma ni ne denkɛ suma ka kan.
[28] Ala ka sankolo ngomi ni dugukolo tulu di i ma, ka i ka sɛnɛ kɛ suman ni i ka diwɛn kɛnɛ caya.
[29] Siyaw ka baara kɛ i ye, siyaw ka u biri i kɔrɔ. I ka kɛ i balimaw kuntigi ye, i ba denkɛw ka u biri i kɔrɔ. Minw bɛ i danga, olu ka danga, minw bɛ dubaw kɛ i ye, olu ka duba sɔrɔ.»
[30] Isaka tilalen kɔ dubaw kɛ la Yakuba ye, a kɔrɔkɛ Esau nana ka bɔ donsoya yɔrɔ la. Dɔɔnin a tun bɛ Yakuba sɔrɔ yen.
[31] Esau fana ye dumuni timima dila ka taa n'a ye a fa yɔrɔ. A y'a fɔ a fa ye ko: «Ne fa, i ka wuli ka i denkɛ ka sogo dun, walisa i ka dubaw kɛ ne ye.»
[32] A fa Isaka y'a fɔ a ye ko: «I ye jɔn ye?» A y'a jaabi ko: «Ne ye i denkɛ ye, i denkɛ fɔlɔ Esau.»
[33] Isaka yɛrɛyɛrɛla kosɛbɛ, a ko: «Jɔn dun ye sogo ɲini ka na n'a ye ne yɔrɔ? Ne ye dumuni kɛ ka ban sani i ka na, ka dubaw kɛ o tigi ye. Ɔwɔ, a na duba sɔrɔ fana.»
[34] Esau y'a fa ka kuma mɛn minkɛ, a ɲɛnasisilenba ye kulokanba ci k'a fɔ a fa ye ko: «Dubaw kɛ ne fana ye, ne fa!»
[35] Isaka ko: «I dɔgɔkɛ nana ni nanbara ye ka i ka duba minɛ i la.»
[36] Esau ko: «U y'a tɔgɔ da ko Yakuba. O bɛnna, sabu a ye nanbara kɛ ne la siɲɛ fila. A ye ne ka kɔrɔya tɔnɔ ta, sisan a ye ne ka dubaw minɛ ne la.» Esau ko fana: «I ma duba si to ne ye wa?»
[37] Isaka ye Esau jaabi ko: «A filɛ, ne y'a kɛ i kuntigi ye, ne ye a balimaw bɛɛ di a ma ka kɛ a ka jɔnw ye, ne ye ɲɔ ni diwɛn kɛnɛ di a ma. Ne dun na mun kɛ i ye, ne denkɛ?»
[38] Esau y'a fɔ a fa ye ko: «O duba dɔrɔn de bɛ i fɛ wa, ne fa? Dubaw kɛ ne fana ye, ne fa.» Esau ye kasikanba bɔ.
[39] A fa Isaka y'a jaabi ko: «A filɛ, i sigi yɔrɔ na kɛ dugukolo tuluntan ye. A tɛna sankolo ngomi fana sɔrɔ ka bɔ san fɛ.
[40] I na balo sɔrɔ i ka npan na. I na kɛ i fa denkɛ ka jɔn ye, nka ni i ye i yuguyugu, i na i ka tɔnnajiri kari ka bɔ i tɔn na.»
[41] Esau ye Yakuba koniya a ka duba sɔrɔlen kosɔn a fa fɛ. Esau y'a fɔ a yɛrɛ kɔnɔ ko: «Ne fa su kasi don surunyara. Ni o tɛmɛnna, ne na ne dɔgɔkɛ Yakuba faga.»
[42] Mɔgɔ dɔ ye Rebɛka den fɔlɔ Esau ka kuma fɔ a ba ye. A y'a denkɛ filanan Yakuba wele k'a fɔ o ye ko: «A filɛ, i kɔrɔkɛ Esau b'a fɛ ka a yɛrɛ mɔnɛ bɔ i la ka i faga.
[43] Sisan ne denkɛ, i ka ne kan minɛ. I ka wuli ka boli ka taa ne kɔrɔkɛ Laban ka so Karan,
[44] ka waati kɛ a fɛ yen, fo i kɔrɔkɛ ka dimiya ka mada.
[45] Ni i kɔrɔkɛ dusu madara i ta fan fɛ, i ye min kɛ a la, ni o bɔra a kɔnɔ, o tuma la ne na ci bila i ma ka i wele ka na. Mun y'a to ne ka bɔnɛ aw fila bɛɛ la don kelen na?»
[46] Rebɛka y'a fɔ Isaka ye ko: «Ne sɛgɛnna Hɛti bɔnsɔn denmusow la fo diɲɛ nege tɛ ne la tun. Ni Yakuba ye nin bɔɲɔgɔnko Hɛti denmusow furu, nin jamana denmusow kɔni, ne ɲɛnama ka to, o bɛ mun ɲɛ ne ye tun?»