[1] Esau bɔnsɔn filɛ nin ye. Esau ye Edɔm ye.
[2] Esau ye Kanankaw denmuso dɔw furu, olu filɛ ninw ye: Hɛti bɔnsɔn Elɔn denmuso Ada ani Hev bɔnsɔn Zibeɔn denmuso Ana denmuso Oholibama
[3] ani Isumaɛl denmuso Basimat, o tun ye Nebajɔt dɔgɔmuso ye.
[4] Ada ye Elifaz bange Esau ye. Basimat ye Ruɛl bange.
[5] Oholibama ye Jeus ni Jaelam ani Korɛ bange. Olu tun ye Esau denkɛw ye minw bangera a ye k'a to Kanan jamana la.
[6] Esau ye a musow ni a denkɛw ni a denmusow ani a ka so mɔgɔw bɛɛ ani a ka misiw ni a ka bagan tɔw bɛɛ ani a ye fɛn minw bɛɛ sɔrɔ k'a to Kanan jamana la, a ye olu bɛɛ ta ka taa jamana wɛrɛ la, k'i mabɔ a dɔgɔkɛ Yakuba la.
[7] U bolo fɛnw tun ka ca fo u ma se ka sigiɲɔgɔn fɛ. U sigilen tun bɛ jamana min na, u ma se ka kun o la u ka baganw caya kosɔn.
[8] Esau y'i sigi Seir kulu kan. Esau ye Edɔm ye.
[9] Edɔm siya bɛnbakɛ Esau bɔnsɔn filɛ nin ye, u sigilen tun bɛ Seir kulu kan.
[10] Esau denkɛw tɔgɔw filɛ ninw ye: Esau muso Ada denkɛ Elifaz ni Esau muso Basimat denkɛ Ruɛl.
[11] Elifaz denkɛw tun ye Teman ni Omar ni Zefo ni Getam ni Kenaz ye.
[12] Timna tun ye Esau denkɛ Elifaz ka jɔnmuso ye, ale ye Amalɛk bange Elifaz ye. Olu tun ye Esau muso Ada denkɛw ye.
[13] Ruɛl denkɛw filɛ ninw ye: Nahat ni Zerak ni Sama ni Miza. Olu tun ye Esau muso Basimat denkɛw ye.
[14] Ziboam denmuso Ana denmuso Oholibama min tun ye Esau muso ye, o ye Jeus ni Jaelam ni Korɛ bange Esau ye.
[15] Esau denkɛ minw kɛra siya kuntigiw ye, olu filɛ: Esau denkɛ fɔlɔ Elifaz denkɛw, kuntigi Omar ni kuntigi Zefo ni kuntigi Kenaz,
[16] ni kuntigi Korɛ ni kuntigi Getam ani kuntigi Amalɛk. Kuntigi minw bɔra Elifaz la Edɔm jamana la, olu tun don. Ada denkɛw tun don.
[17] Esau denkɛ Ruɛl denkɛw filɛ ninw ye: kuntigi Nahat ni kuntigi Zerak ni kuntigi Sama ani kuntigi Miza. Kuntigi minw bɔra Ruɛl la Edɔm jamana la, olu tun don. Esau muso Basimat denkɛw tun don.
[18] Esau muso Oholibama denkɛw filɛ ninw ye: kuntigi Jeus ni kuntigi Jaelam ani kuntigi Korɛ. Kuntigi minw bɔra Esau muso Oholibama la, Ana denmuso kɔni, olu tun don.
[19] Olu ye Esau denkɛw ye. U kɛra siyaw kuntigiw ye. Esau ye Edɔm ye.
[20] Hor siya mɔgɔ Seir denkɛw filɛ ninw ye, olu tun ye o jamana dugulenw ye: Lotan ni Sobal ni Zibeɔn ni Ana
[21] ni Dison ni Ezɛr ani Disan. Olu tun ye Hor siya kuntigiw ye, Seir denkɛw don, Edɔm jamana la.
[22] Lotan denkɛw tun ye Hori ni Hemam ye. Timna tun ye Lotan balimamuso ye.
[23] Sobal denkɛw filɛ ninw ye: Alvan ni Manahat ni Ebal ni Sefo ani Onam.
[24] Zibeɔn denkɛw filɛ ninw ye: Aja ani Ana. Ana de ye ji boyi kalamaw ye kungokolon kɔnɔ, k'a to a fa Zibeɔn ka faliw gɛnni la.
[25] Ana denkɛw filɛ ninw ye: Dison ani Ana denmuso Oholibama.
[26] Dison denkɛw filɛ ninw ye: Hemdan ni Esiban ni Jitran ani Keran.
[27] Ezɛr denkɛw filɛ ninw ye: Bilhan ni Zavan ani Akan.
[28] Disan denkɛw filɛ ninw ye: Uz ani Aran.
[29] Kuntigi minw bɔra Hor siya la, olu filɛ ninw ye: kuntigi Lotan ni kuntigi Sobal ni kuntigi Zibeɔn ni kuntigi Ana
[30] ni kuntigi Dison ni kuntigi Ezɛr ani kuntigi Disan. Kuntigi minw bɔra Hor siya la, olu tun don, u tun bɛ Seir jamana la.
[31] Masakɛ minw ye Edɔm jamana mara sani masakɛ ka sigi Israɛl bɔnsɔn kun na, olu filɛ ninw ye:
[32] Beɔr denkɛ Bela ye Edɔm siya mara, a ka dugu tɔgɔ ko Denhaba.
[33] Bela sara, Bozra Zerak denkɛ Jobab kɛra masakɛ ye a nɔ na.
[34] Jobab sara. Husam min bɔra Teman bɔnsɔn ka jamana la, o kɛra masakɛ ye a nɔ na.
[35] Husam sara. Bedad denkɛ Hadad kɛra masakɛ ye a nɔ na. Ale de ye Madian tiɲɛn Moab jamana la. A ka dugu tɔgɔ ko Avit.
[36] Hadad sara. Masre Samila kɛra masakɛ ye a nɔ na.
[37] Samila sara. Ba da la Rehɔbɔt Saul kɛra masakɛ ye a nɔ na.
[38] Saul sara. Akibɔr denkɛ Bal-Hanan kɛra masakɛ ye a nɔ na.
[39] Akibɔr denkɛ Bal-Hanan sara. Hadar kɛra masakɛ ye a nɔ na. A ka dugu tɔgɔ ko Po. A muso tɔgɔ ko Mehetabeɛl, Mezahab denmuso Matirɛd denmuso tun don.
[40] Kuntigi minw bɔra Esau la, olu tɔgɔw filɛ ninw ye, ka kɛɲɛ ni u ka gwaw ni u ka jamanaw ani u tɔgɔw ye: kuntigi Timna ni kuntigi Alva ni kuntigi Jetɛt
[41] ni kuntigi Oholibama ni kuntigi Ela ni kuntigi Pinon
[42] ni kuntigi Kɛnaz ni kuntigi Teman ni kuntigi Mibizar
[43] ni kuntigi Magadiɛl ani kuntigi Iram. Olu tun ye Edɔm siya kuntigiw ye ka kɛɲɛ ni u sigi yɔrɔw ye u ka jamana la. Esau ye Edɔm siya bɛnbakɛ ye.