[1] ‹Ni aw bɛ jamana tilatila ni kala ye tuma min na, aw ka jamana yɔrɔ dɔ suma ka kɛ Matigi ta ye. O janya ka kɛ kilomɛtɛrɛ tan ni fila ani tila ye. A bonya ka kɛ kilomɛtɛrɛ duuru ye. O fan bɛɛ ka bila Ala ye ka saniya.
[2] Aw ka nɔnkɔnɲɛ kɛmɛ duuru suma, o dugukolo ka kɛ Alabatosoba jɔ yɔrɔ ye. A fan naani bɛɛ ka kɛ nɔnkɔnɲɛ kɛmɛ duuru-duuru ye. Nɔnkɔnɲɛ biduuru furancɛ ka bila a fan bɛɛ la.
[3] Ni jamana tilatilara tuma min na, aw ka kilomɛtɛrɛ tan ni fila ani tila mara ka kɛ Alabatosoba jɔ yɔrɔ ye. A bonya ka kɛ kilomɛtɛrɛ duuru ye. O yɔrɔ na kɛ yɔrɔ senuma senuma ye.
[4] Sarakalasebaa minw bɛ gɛrɛ Matigi la ka Alabatosoba baara kɛ Matigi ɲɛ kɔrɔ, o yɔrɔ na kɛ olu ta ye. Olu ka sow ani Alabatosoba yɔrɔ senuma na jɔ yen.
[5] ‹Kilomɛtɛrɛ tan ni fila ani tila wɛrɛ ka suma ka kɛ Levitew ta ye. O bonya ka kɛ kilomɛtɛrɛ duuru ye. Minw bɛ Alabatosoba baara kɛ, dugu mugan ka kɛ olu ta ye.
[6] ‹Dugu yɛrɛ sigiyɔrɔ ta fan fɛ, aw ka kilomɛtɛrɛ tan ni fila ani tila suma ka kɛ dugu sigiyɔrɔ ye. O bonya ka kɛ kilomɛtɛrɛ fila ni tila ye. O ka kɛ yɔrɔ senuma kɛrɛ fɛ. O na kɛ Israɛl bɔnsɔn bɛɛ ta ye.
[7] ‹Kuntigi niyɔrɔ na kɛ yɔrɔ senuma ni dugu sigiyɔrɔ fan fila fɛ. Kuntigi ka yɔrɔ kelen bɛ o yɔrɔ senuma sigiyɔrɔ ni dugu sigiyɔrɔ ni tilebi cɛ. A ka yɔrɔ filanan na kɛ yɔrɔ senuma sigiyɔrɔ ni dugu sigiyɔrɔ ni kɔrɔn cɛ. Kuntigi niyɔrɔ janya ani siya kelen niyɔrɔ janya ka kan, ka bɔ tilebi dan na ka taa se kɔrɔn yanfan dan ma.
[8] O yɔrɔ na kɛ kuntigi niyɔrɔ dugukolo ye Israɛl bɔnsɔn cɛma. Ne ka kuntigiw tɛna ne ka mɔgɔw tɔɔrɔ tun, nka u ka jamana tɔ tilatila Israɛl siyaw cɛ.›
[9] «Matigi Ala ko: ‹Israɛl kuntigiw, o b'a bɔ sa. Aw ka fariya ko ni ne ka mɔgɔw tɔɔrɔli dabila ka tiɲɛ fɔ ka tilennenya sira taama. Aw ka ne ka mɔgɔw tɔɔrɔli dabila.› Matigi Ala ko ten.
[10] ‹Sumanikɛ ja bɛnnen ni efa bɛnnen ani bat bɛnnen ka kɛ aw bolo.
[11] Efa ni bat ka kan. Batɲɛ tan bɛ kɛ omɛr kɔnɔ. Efaɲɛ tan fana bɛ kɛ omɛr kɔnɔ. Olu jate bɛ bɛn omɛr ɲɛ kelen ma.
[12] Wari sikle kelen bɛ gera mugan bɔ. Sikle biwɔɔrɔ ye wari manɛ kelen ye.
[13] ‹Aw ka mugu sarakaw filɛ ninw ye. Efa tila wɔɔrɔnan ka bɔ omɛr ɲɛ kelen alikama la. Efa tila wɔɔrɔnan ka bɔ omɛr ɲɛ kelen orje la.
[14] Ni tulu don, o tulu bɛ suma bat la. Aw ka bat tila tannan bɔ kor la. Omɛr ɲɛ kelen ye batɲɛ tan ye, k'a masɔrɔ batɲɛ tan ye omɛr ɲɛ kelen ye.
[15] Sagaden kelen ka bɔ Israɛl bɔnsɔn ka sagakulu la saga gɛn yɔrɔw la, saga kɛmɛ fila la saga kelen. Olu ka kɛ nili fɛnw ni saraka jenitaw ani barika dali sarakaw ye walisa ka mɔgɔw ka jurumu kafari.› Matigi Ala ko ten.
[16] ‹Jamana kɔnɔ mɔgɔw bɛɛ ka o nili fɛn di Israɛl bɔnsɔn kuntigi ma.
[17] Nka kuntigi yɛrɛ na to ka saraka jenitaw ni mugu sarakaw ni saraka bɔntaw ani seli don na sarakaw ni kalo kura sarakaw ani lafiɲɛ don sarakaw ani saraka wɛrɛw bɔ Israɛl ka so kosɔn. A na jurumu yafa saraka ni mugu saraka ni saraka jenitaw ani barika dali sarakaw lase Israɛl ka so kosɔn.›
[18] «Matigi Ala ko: ‹San kalo fɔlɔ tile fɔlɔ don, i ka nturabɔlan fiɲɛntan kelen minɛ ka o kɛ ka yɔrɔ senuma saniya.
[19] Sarakalasebaa na jurumu yafa saraka joli minɛ ka o bɔn Alabatosoba kondon jiriw ani saraka bɔlan seleke naani dawolow kan ani so kɔnɔ dukɛnɛ donda kondon jiriw kan.
[20] I ka o ɲɔgɔn kɛ kalo tile wolonwulanan don na ko kura mɔgɔ fililenw bɛɛ ani mɔgɔ ko dɔnbaliw fana kosɔn. O cogo la i ka Alabatosoba ka jurumu kafari.
[21] ‹Aw ka Tɛmɛnkan seli daminɛ san kalo fɔlɔ tile tan ni naaninan don na ka tile wolonwula kɛ a la. Aw ka buuru fununbali dun o waati kɔnɔ.
[22] Kuntigi na nturabɔlan dɔ kɛ saraka ye a yɛrɛ ni jamana kɔnɔ mɔgɔw bɛɛ ka jurumu kosɔn.
[23] A na ntura fiɲɛntan wolonwula ni sagajigi fiɲɛntan wolonwula kɛ saraka ye seli donw na tile wolonwula kɔnɔ, ka bakɔrɔ kelen kɛ jurumu yafa saraka ye don o don.
[24] A ka efa ɲɛ kelen-kelen mugu kɛ ntura bɛɛ kelen-kelen ni sagajigi bɛɛ kelen-kelen ta ye. Tulu hinɲɛ kelen ka kɛ efa ɲɛ kelen-kelen bɛɛ ta ye.
[25] Seli min bɛ daminɛ san kalo wolonwulanan tile tan ni duurunan don, kuntigi bɛ min kɛ Tɛmɛnkan seli la, a ka o ɲɔgɔn fana kɛ o seli la. Seli tile wolonwula don o don, a ka o saraka kelen bɔ ka kɛ jurumu yafa saraka ye, saraka jenita kelen ani mugu saraka ni tulu saraka kelen ka bɔ.›