[1] San wolonwulanan kalo duurunan tile tannan don, Israɛl bɔnsɔn cɛkɔrɔba dɔw nana u sigi ne ɲɛ kɔrɔ ka Matigi ɲininka.
[2] O tuma la Matigi ka kuma sera ne ma, ko:
[3] «Hadamaden, i k'a fɔ Israɛl bɔnsɔn cɛkɔrɔbaw ye ko ne, Matigi Ala ko: ‹Yala aw nana ne ɲininka wa? Neɲɛnama tɔgɔ kosɔn, ne tɛna sɔn aw ka ne ɲininka.›
[4] «Hadamaden, i man kan ka kiri tigɛ u kan wa? Ɔwɔ, i ka kiri tigɛ u kan. I ka u bɛnbaw ka ko haramulenw fɔ u ye.
[5] I k'a fɔ u ye ko ne, Matigi Ala ko, ne ye Israɛl ɲɛnatɔmɔ don min na ka ne kali Yakuba bɔnsɔn ye ka ne yɛrɛ jira u la Misira jamana la ka ne kali u ye ko ne ye Matigi u ka Ala ye.
[6] Ne ye layidu ta ka ne kali u ye o don na ko ne na u labɔ Misira jamana kɔnɔ ka taa ni u ye jamana dɔ la, ne tun ye o min ɲɛnatɔmɔ u ye ni o falen bɛ nɔnɔ ni di la fo ka woyo. Jamana bɛɛ laɲuman don.
[7] Ne y'a fɔ u ye ko u bɛ sama ko haramulen minw nɔ fɛ, ko u bɛɛ kelen-kelen ka olu dabila, ko u kana u yɛrɛw nɔgɔ ni Misira jamana boliw ye. Ne ye Matigi u ka Ala de ye.
[8] O bɛɛ n'a ta u murutira ne ma, u ma sɔn ka ne lamɛn. U si ma sɔn ka o ko haramulenw dabila. U si ma sɔn ka Misira jamana boliw to yen. Ayiwa, ne tun bɛ miiri ka ne ka dimiya bi u kan ka ne dusu bɔ ko ci u ma Misira jamana kɔnɔ.
[9] Nka ne ma o kɛ ne yɛrɛ tɔgɔ kosɔn, walisa u bɛ siya minw cɛma, ne tɔgɔ kana tiɲɛn olu cɛma. Ne ye ne yɛrɛ jira u la olu ɲɛ na ka u labɔ Misira jamana la.
[10] «Ne ye u labɔ Misira jamana la ka taa ni u ye kungokolon kɔnɔ.
[11] Ne ye ne ka ko latigɛlenw di u ma yen ka ne ka sariya jira u la, ko ni mɔgɔ ye olu kɛ, a naɲɛnamaya u la.
[12] Ne ye ne ka lafiɲɛ don di u ma ka kɛ taamashyɛn ye ne ni u cɛ walisa u k'a dɔn ko ne, Matigi ye u saniyabaa de ye.
[13] Nka Israɛl ka so murutira ne ma kungokolon kɔnɔ. U ma sɔn ka ne ka ko latigɛlenw sira taama. Mɔgɔ ka kan ka ne ka sariya minw dafa walisa a kaɲɛnamaya u fɛ, u ye olu mafiɲɛya ka ne ka lafiɲɛ don nɔgɔ. O de kosɔn ne miirila a la ko kura ko ne na ne ka dimiya bi u kan kungokolon kɔnɔ ka u halaki.
[14] Nka ne ma o kɛ ne tɔgɔ kosɔn, ne y'a fɔ siya minw ɲɛ na ko ne na u labɔ Misira jamana kɔnɔ, o siyaw kana na ne tɔgɔ tiɲɛn.
[15] Ne ye ne kali u ye kungokolon kɔnɔ ko ne tun ye ne kali ko ne na taa ni u ye jamana min na, ni o falen bɛ nɔnɔ ni di la fo ka woyo, ni jamana bɛɛ laɲuman don, ne y'a jira u la ko ne tɛna taa ni u ye yen tun.
[16] K'a masɔrɔ u banna ne ka sariya la. U ma sɔn ka ne ka ko latigɛlenw sira taama. U ye ne ka lafiɲɛ don nɔgɔ sabu u dusukun nɔrɔlen tora u ka boliw la.
[17] «O bɛɛ n'a ta ne hinɛna u la, ne tun t'a fɛ ka u halaki. Ne ma sɔn ka u bɛɛ halaki ka u ban kungokolon kɔnɔ.
[18] Ne y'a fɔ u denw ye kungokolon kɔnɔ ko: ‹Aw kana aw bɛnbaw ka kɛwalew ɲɔgɔn kɛ. Aw kana u taama cogo ladege. Aw kana aw nɔgɔ ni u ka boliw ye.
[19] Ne ye Matigi, aw ka Ala de ye. Aw ka ne ka ko latigɛlenw sira taama ka ne ka ci fɔlenw mara.
[20] A' ye ne ka lafiɲɛ don mara walisa o ka kɛ taamashyɛn ye aw ni ne cɛ. Aw n'a dɔn ko ne ye Matigi, aw ka Ala de ye.›
[21] «Nka olu fana murutira ne ma. U ma ne ka sariyaw mara. U ma sɔn ka ne ka ci fɔlenw sira taama, mɔgɔ ka kan ka olu minw kɛ walisa a kaɲɛnamaya u fɛ. U ye ne ka lafiɲɛ don fana tiɲɛn. O de kosɔn ne y'a miiri ko ne na ne ka dimiya bi u kan ka u ban kungokolon kɔnɔ.
[22] O bɛɛ n'a ta ne ma sɔn o ma walisa ne tun ye ne ka mɔgɔw labɔ siya minw ɲɛ na, u kana halaki olu ɲɛ kɔrɔ. Ne tɔgɔ kana tiɲɛn olu ɲɛ na.
[23] Nka ne ye ne kali k'a jira u la kungokolon kɔnɔ ko ne na u jɛnsɛn siyaw cɛma ka u jɛnsɛn jamana caman na,
[24] sabu u ma ne ka ko latigɛlenw sira taama. U banna ne ka sariya la ka ne ka lafiɲɛ don tiɲɛn. U samana u bɛnbaw ka boliw nɔ fɛ.
[25] «Ko latigɛlen minw manɲi ani sariya minw tɛɲɛnamaya di mɔgɔ ma, ne ye olu fana di u ma.
[26] Ne y'a to u ka kɛ nɔgɔlenw ye u ka sarakaw kosɔn, sabu u bɛɛ kelen-kelen ye u den fɔlɔw kɛ saraka jenitaw ye. Ne ye u tɔɔrɔ walisa u k'a dɔn ko ne ye Matigi de ye.
[27] «O de kosɔn, Hadamaden, i k'a fɔ Israɛl ka so ye ko ne Matigi Ala ko: ‹Aw faw ye ne mafiɲɛya ni u ka tilenbaliya kow ye.
[28] Ne tun ye ne kali u ye ko, ne na jamana min di u ma, ne ye u ladon o kɔnɔ, nka kabini u sera yen, u ye tintin janw ni jirisunbaw filɛ ka u ka sarakaw bɔ o yɔrɔw la ka u ka nili fɛnw lase yen ka ne dusu dimin. U ye u ka wusulan suma duman wusu ka saraka bɔntaw lase o yɔrɔw la.›
[29] Ne y'a fɔ u ye ko: ‹Aw bɛ taa batoli kɛ yɔrɔ minw na, olu ye mun ye?› O de kosɔn o yɔrɔw bɛ wele batoli kɛ yɔrɔw fo ka na se bi ma.
[30] O de y'a to i k'a fɔ Israɛl ka so ye, ko ne, Matigi Ala ko: ‹Mun y'a to aw bɛ aw yɛrɛw nɔgɔ i ko aw bɛnbaw nɔgɔra cogo min na, ka jatɔya kɛ u ka boli haramulenw fɛ?
[31] Nka hali sisan aw bɛ aw yɛrɛw nɔgɔ ka aw ka nili fɛnw ni aw denw saraka boliw ye. Aw, Israɛl ka so, aw bɛ da a la ko o cogo la ne bɛ sɔn aw ka ne ɲininka wa? Kaari. Ne, Matigi, Ala ɲɛnama, ne b'a jɛya aw ma ko ne tɛna sɔn aw ka ne ɲininka.
[32] Ni aw bɛ miiri ko aw ka kɛ i ko siya tɔw, ka kɛ i ko siyaw ka gwaw, ka jiriw ni kabakurunw bato, o tɛna kɛ.›»
[33] Matigi Ala ko: «Neɲɛnama tɔgɔ kosɔn, ne dusu bɔlenba na aw mara ni bolo barikama ni ne ka sebaaya ye.
[34] Tiɲɛ la, ne na aw labɔ siyaw cɛma ni ne ka sebaaya barikama ye. Aw jɛnsɛnna jamana minw na, ne dusu bɔlenba na aw labɔ yen ka aw lajɛ yɔrɔ kelen na.
[35] Ne na taa ni aw ye kungokolon mɔgɔma la. Ne na kiri tigɛ aw kanɲɛda niɲɛda
[36] i ko ne ye a kɛ aw bɛnbaw la Misira kungokolon kɔnɔ cogo min na. Ne na kiri tigɛ aw kan yen.» Matigi Ala ko ten.
[37] «O kɔ, ne na aw kɛ ne ka sagakulu ye ka taa ni aw ye layidu jamana kɔnɔ.
[38] Ne na mɔgɔ murutilenw ni kanbilalikɛlaw fara ka bɔ aw la. Ne na u labɔ u taa jamana la nka u tɛna don Israɛl jamana kɔnɔ tun. Aw n'a dɔn ko ne ye Matigi de ye.
[39] «Aw kɔni, Israɛl ka so, ne Matigi Ala y'a fɔ aw ko la, ko aw ka taa, aw bɛɛ kelen-kelen ka aw ka boliw bato. O kɔ, aw na wajibiya ka ne kan minɛ. Aw tɛna ne tɔgɔ senuma nɔgɔ ni aw ka nili fɛnw ni aw ka boliw ye tun.»
[40] K'a masɔrɔ Matigi Ala ko: «Israɛl ka so bɛɛ ani minw bɛ Israɛl jamana kɔnɔ, olu bɛɛ na ne bato ne ka kulu senuma, Israɛl bɔnsɔn ka kulu jan kan. Ne na sɔn u ma yen. Ne n'a fɔ ko aw ka aw ka nili fɛnw di ani aw ka suman kura bɛɛ kun fɔlɔ nili fɛnw ani aw ka fɛn senumaw bɛɛ.
[41] Aw jɛnsɛnnen bɛ mɔgɔ minw cɛma jamana minw na, ni ne ye aw labɔ olu cɛma ka aw lajɛ yɔrɔ kelen na, ne na sɔn aw la i ko fɛn suma duman min kasa ka di. Ne na ne ka senumaya jira siyaw la aw kosɔn.
[42] Ne tun ye ne kali ko ne na jamana min di aw bɛnbaw ma, ni ne nana ni aw ye o kɔnɔ tuma min na, aw n'a dɔn ko ne ye Matigi de ye.
[43] Ka aw to yen, aw hakili na jigin aw ka kɛwalew ni aw ka nɔgɔlenya kow la. Aw naɲigin aw ka ko haramulen kɛlenw la.»
[44] Matigi Ala ko: «Israɛl ka so, ne tɛna aw minɛ ka kɛɲɛ ni aw jogo juguw ni aw ka kɛwale juguw ye, nka ne na ko ɲuman kɛ aw ye ne yɛrɛ tɔgɔ kosɔn. O tuma la aw n'a dɔn ko ne ye Matigi de ye.» Matigi Ala ko ten.