[1] Matigi ka kuma sera ne ma ko:
[2] «Hadamaden, rezɛn sun jalen min bɛ kungo kɔnɔ jiriw cɛma, o ka fisa ni jiri tɔw ye wa?
[3] Mɔgɔw bɛ rezɛn bolo jalenw ta ka kɛ baara kɛ minan ye wa? I bɛ a dila k'a kɛ bɔlɔ ye ka a gengen kogo la ka minan dɔ dulon a la wa?
[4] Ayi, a bɛ fili tasuma la k'a jeni. Ni tasuma ye a kun fila jeni, ni tasuma bɛ a cɛmancɛ la, a bɛ se ka fɛnɲɛ tun wa?
[5] Sani a ka tigɛ, nafa tun t'a la janko ni a jenina. Mɔgɔ bɛ se ka mun kɛ ni a ye tun?»
[6] O de kosɔn Matigi Ala ko: «Ne ye rezɛn bolo ta ka bɔ kungo kɔnɔ jiriw cɛma k'a jeni cogo min na, ne na Jerusalɛmkaw sara u ka kɛwalew kosɔn o cogo la.
[7] Ne na neɲɛ sin u ma. Ni u tilara tasuma dɔ la, tasuma dɔ wɛrɛ na u jeni. Ni ne ye neɲɛ sin u ma ka u kɛlɛ tuma min na, aw n'a dɔn ko ne ye Matigi de ye.
[8] Ne na u ka jamana kɛ tomon ye sabu u ye tilenbaliya ko kɛ ne la.» Matigi Ala ko ten.