[1] Matigi kumana Musa fɛ ko:
[2] «San kalo fɔlɔ tile fɔlɔ la, i kaɲɔgɔn kunbɛn finiso jɔ.
[3] I ka seereya wagande don a kɔnɔ ka o datugu ni so cɛtigɛ fini ye.
[4] I ka na ni tabali ye ka a minanw labɛn a kan ka na ni fitinɛba ye ka a bɛɛlɛw labɛn.
[5] I ka wusulan suma duman sanu saraka bɔlan sigi seereya wagandeɲɛ fɛ ka so datugu fini dulon.
[6] I ka saraka jenita saraka bɔlan sigiɲɔgɔn kunbɛn finiso daɲɛ fɛ.
[7] I ka koli minanba sigiɲɔgɔn kunbɛn finiso ni saraka bɔlan cɛ ka ji kɛ a la.
[8] I ka dukɛnɛ samasenw jɔ ka a lamini ka donda dala fini dulon.
[9] I ka munni tulu ta ka so ni a kɔnɔ fɛnw bɛɛ mun ka a ni a minanw bɛɛ saniya, o so na kɛ senuma ye.
[10] I ka saraka jenita saraka bɔlan ni a minanw bɛɛ mun ka saraka bɔlan saniya. Saraka bɔlan na kɛ senuma senuma ye.
[11] I ka koli minanba ni a sigilan mun ka a saniya.
[12] I ka Aron ni a denkɛw madonɲɔgɔn kunbɛn finiso da la ka u ko ji la.
[13] I ka o fini senumaw don Aron kan na ka a mun ka a saniya walisa a ka sarakalasebaaya baara kɛ ne ye.
[14] I ka a denkɛw madon ka o turutiw don u kan na.
[15] I ka u mun i ko i ye u fa mun cogo min na walisa u ka sarakalasebaaya baara kɛ ne ye. U munni na u don sarakalasebaaya baara la kudayi, u bɔnsɔn nataw bɛɛ la.»
[16] Musa y'a kɛ o cogo la. Matigi ye min fɔ a ye, a ye o bɛɛ kɛ o cogo la.
[17] San filanan kalo fɔlɔ tile fɔlɔ la, o so jɔra.
[18] Musa ye so jɔ ka a jusigilanw sigi ka a jiri fɛrɛnw jɔ ka u bere janw don a la ka a samasenw jɔ.
[19] A ye birifini fɛnsɛ so kan ka kunna birilan biri a kun na, i ko Matigi y'a fɔ Musa ye cogo min na.
[20] A ye seereya ta k'a kɛ wagande kɔnɔ ka a ta berew don wagande la ka jurumu kafari yɔrɔ da wagande kan.
[21] A ye wagande don so kɔnɔ ka so cɛtigɛ fini dulon ka seereya wagande datugu n'a ye, i ko Matigi y'a fɔ Musa ye cogo min na.
[22] A ye tabali sigiɲɔgɔn kunbɛn finiso kɔnɔ so saheli yanfan fɛ so cɛtigɛ finiɲɛ fɛ.
[23] A ye jirali buurukunw labɛn a kan Matigi ɲɛ kɔrɔ, i ko Matigi y'a fɔ cogo min na.
[24] A ye fitinɛba sigiɲɔgɔn kunbɛn finiso kɔnɔ tabali kuntilenna la so worodugu yanfan fɛ.
[25] A ye fitinɛba mana Matigi ɲɛ kɔrɔ, i ko Matigi y'a fɔ Musa ye cogo min na.
[26] A ye sanu saraka bɔlan sigiɲɔgɔn kunbɛn finiso kɔnɔ cɛtigɛ finiɲɛ fɛ.
[27] A ye wusulan suma duman jeni a kan, i ko Matigi y'a fɔ Musa ye cogo min na.
[28] A ye dala fini dulon so da la.
[29] A ye saraka jenita saraka bɔlan sigiɲɔgɔn kunbɛn finiso da la ka saraka jenita ni mugu saraka lase a kan, i ko Matigi y'a fɔ Musa ye cogo min na.
[30] A ye koli minanba sigiɲɔgɔn kunbɛn finiso ni saraka bɔlan cɛ ka ji kɛ a la koli kama.
[31] Musa ni Aron ni a denkɛw ye u bolow ni u senw ko o la.
[32] Ni u tun bɛ donɲɔgɔn kunbɛn finiso kɔnɔ ani ni u tun bɛ gɛrɛ saraka bɔlan na tuma min na, u tun bɛ u ko, i ko Matigi y'a fɔ Musa ye cogo min na.
[33] A ye dukɛnɛ samasenw jɔ ka so ni saraka bɔlan lamini ka dukɛnɛ donda dala fini dulon a da la. O cogo la Musa ye baara bɛɛ kɛ k'a ban.
[34] O tuma la kabasen birilaɲɔgɔn kunbɛn finiso kun na, Matigi nɔɔrɔ ye so fa.
[35] Musa ma se ka donɲɔgɔn kunbɛn finiso kɔnɔ, katuguni o kabasen tora so kun na, Matigi nɔɔrɔ fana ye so fa.
[36] Ni o kabasen tun kɔrɔtara ka bɔ so kun na tuma o tuma, Israɛl bɔnsɔn tun bɛ taa ɲɛ, o tun ye u taama cogo ye.
[37] Nka ni kabasen tun ma kɔrɔta, u tun tɛ wuli sani a ka kɔrɔta don min na ko kura.
[38] Matigi ka kabasen tun bɛ so kun na tile fɛ. Su fɛ, Israɛl ka so bɛɛ tun bɛ tasuma ye a la u taama waatiw bɛɛ la.