[1] Matigi ye i kan bɔɲɔgɔn kunbɛn finiso kɔnɔ ka Musa wele ka kuma a fɛ.
[2] A ko Musa ka kuma Israɛl bɔnsɔn fɛ k'a fɔ u ye ko: «Ni aw ka mɔgɔ dɔ bɛ bagan saraka bɔ Matigi ye, a ka na ni bagan dɔ ye, misi wala bagan misɛn.
[3] Ni a ka saraka fɛn ye bagan kunba jenita ye, a ka ntura fiɲɛntan bɔ ka na n'a ye ɲɔgɔn kunbɛn finiso da la, walisa Matigi ka sɔn o mɔgɔ la.
[4] A ka a bolo da saraka fɛn jenita kunkolo kan, a ka saraka na minɛ ka a ka jurumu ta ka bɔ a kan.
[5] A ka o ntura kan tigɛ Matigi ɲɛ kɔrɔ. Sarakalasebaaw, Aron denkɛw, ka na ni a joli ye ka a joli seriseri saraka bɔlan fan bɛɛ kanɲɔgɔn kunbɛn finiso da la.
[6] A ka o saraka jenita boso ka a waraka.
[7] Sarakalasebaa ka dɔgɔ labɛn saraka bɔlan kan ka tasuma kɛ a kan.
[8] Aron denkɛw ka o sogo warakalen ni a kunkolo ani a kɛn labɛn saraka bɔlan kan tasuma la dɔgɔ kan.
[9] Nka saraka bɔbaa ka o kɔnɔ fɛnw ni a senw ko ji la. Sarakalasebaa ka o bɛɛ jeni saraka bɔlan kan. Saraka jenita don, tasuma la saraka, o suma ka di Matigi ye.
[10] «Ni saraka bɔbaa ka saraka fɛn ye bagan misɛn saraka jenita ye, saga wala ba, a ka na ni sagajigi wala bakɔrɔ fiɲɛntan ye.
[11] A ka o kan tigɛ saraka bɔlan saheli yanfan fɛ Matigi ɲɛ kɔrɔ. Sarakalasebaaw, Aron denkɛw, ka a joli seriseri saraka bɔlan fan bɛɛ kan.
[12] Saraka bɔbaa ka a waraka. Sarakalasebaa ka o sogo warakalen ni a kunkolo ani a kɛn labɛn saraka bɔlan kan tasuma la dɔgɔ kan.
[13] Nka saraka bɔbaa ka a kɔnɔ fɛnw ni a senw ko ka jɛ ji la. Sarakalasebaa ka a bɛɛ lase ka a jeni saraka bɔlan kan. Saraka jenita don, tasuma la saraka, o suma ka di Matigi ye.
[14] «Ni saraka bɔbaa ka nili fɛn ye kɔnɔ saraka jenita ye Matigi ye, a ka na ni ntubanni wala jɛnɛntubanden ye.
[15] Sarakalasebaa ka o kɔnɔ lase saraka bɔlan na. A ka a kunkolo bɔ a la ka o jeni saraka bɔlan kan. A joli ka seriseri saraka bɔlan kɛrɛ la.
[16] A ka a ncɔgi ni a si bɔ a la ka a kerun saraka bɔlan kɛrɛ fɛ a kɔrɔn yanfan fɛ bugurijɛ yɔrɔ la.
[17] A ka a fara a kamanw furancɛ la, nka a kana a cɛ ci fila ye ka bɔɲɔgɔn na. Sarakalasebaa ka a jeni saraka bɔlan kan o tasuma la dɔgɔ kan. Saraka jenita don, tasuma la saraka, o suma ka di Matigi ye.