[1] Oh Hah, zank mich nett in deim zann; shtrohf mich nett vann du bays bisht.
[2] Sei bamhatzich zu miah, oh Hah, fa ich binn shvach; hayl mich, oh Hah, mei gnocha sinn gedruvveld.
[3] Mei sayl is oahrich bedreebt, vi lang, oh Hah, vi lang zayld's sei?
[4] Kumm zrikk, oh Hah, un mach mei sayl frei, mach mich saylich veil du mich leebsht.
[5] Ebbah dohdes denkt nett an dich. Veah kann dich danka im grawb?
[6] Ich binn meet funn meim geyammah; alli nacht is mei bett nass, un mei kissi is ksohkt mitt awwa-vassah.
[7] Mei awwa sinn dreeb funn feel dreebsawl; si vadda shvach deich awl mei feinda.
[8] Machet eich vekk funn miah, awl diah es evil doond, fa da Hah hott mei shtimm keaht am heila.
[9] Da Hah hott mich keaht naus roofa fa bamhatzichkeit, da Hah nemd mei gebayt oh.
[10] Awl mei feinda zayla sich shemma un oahrich gedruvveld sei; si zayla zrikk drayya un bletzlich fashohmd sei.