[1] Ich gukk zumm Hah fa mich aus di kfoah halda. So favass sawksht du miah, “Fleek nuff in di berga vi en fokkel?
[2] Gukk moll, di gottlohsa zeeya iahra bow zrikk; si setza iahra arrows fa sheesa, fa sheesa im dunkla geyyich di gerechta.
[3] Vann di foundations am fabrocha vadda sinn, vass kenna di gerechta du?”
[4] Da Hah is in sei heilichah tempel; em Hah sei kaynich-shtool is im himmel. Sei awwa sayna, mitt sei awwa uf broviaht eah di kinnah funn mensha aus.
[5] Da Hah broviaht di gerechta un di gottlohsa aus, un selli es gvald gleicha dutt em Hah sei sayl hassa.
[6] Uf di gottlohsa reyyaht eah feiyahrichi kohla un brennichah shvevvel. Iahra dayl zayld haysah vind sei.
[7] Da Hah is gerecht un eah leebt gerechtichkeit. Di gerechta zayla sei ksicht sayna.