[1] An di revvahra funn Babylon henn miah kokt un keild, vo miah an Zion gedenkt henn.
[2] Datt uf di veida-baym, henn miah unsah harfa anna kanka.
[3] Datt henn selli es uns kfanga henn uns kaysa fa singa, un selli es uns gegvayld henn, henn uns macha vella fraylich sei; si henn ksawt, “Singet uns en leet funn Zion!”
[4] Vi kenna miah em Hah sei leet singa in en fremd land?
[5] Vann ich dich fagess, oh Jerusalem, loss mei rechtsi hand fazeahra.
[6] Loss mei zung ovva in mei maul shtekka, vann ich dich fagess, un vann ich nett Jerusalem mei haychshti frayt mach.
[7] Oh Hah, fagess nett vass di Edomiddah ksawt henn uf em dawk vo Jerusalem kfalla is. Si henn ksawt, “Reis es nunnah, reis es nunnah biss uf da grund!”
[8] Oh Dochtah funn Babylon, du zaylsht nunnah grissa vadda, ksaykend is sellah es dich zrikk betzawld fa vass du gedu hosht zu uns.
[9] Ksaykend zayld sellah sei es dei kinnah nemd, un si veddah da felsa shlakt.